Covenant Month 2025 (Ndebele)

INDIKIMBA: Ukuthemba uNkulunkulu Kuzimo Zonke
(UHabhakuki 3:17-18)

[See also: The Covenant Service.]

Click or tap on the day number of your choice to jump down the page to the notes for that day:

ISANDULELO
Siyahlabelela kwelinye lamaculo ethu sisithi “Njengebutho elilamandla, liyahamba ibandla likaNkulunkulu”. Impela siyaphambili. Sibonga uNkulunkulu owasibizayo wasibeka endaweni njengabameli bakhe ngomnyaka ka 2024. Silesazela sokuthi samela njengabameli kumahlandla wonke awempilo elizweni labaphilayo. Siqhubekela phambili simela, ngeke sale isiqiniseko sokuthi impilo kulomhlaba engasiyo yethu ilezigaba ezehlukenenyo ezokujabula kanye lokuhlupheka. Sikubonile lokhu ngomyaka ka 2024. Umnyaka lowu ngokwawo singawuchasisa ngokuthi ufana lesikhwama esiphethe into yonke, kuyingxabangxoza. Imikhumbulo emihle lemibi siyayizwa ikhala
ezindlebeni zethu kanye lengqondweni zethu. Umhlaba ebesimele kuwo uKristu njengabameli bakhe ububonakala kwezinye izikhathi umelana lathi ngezindlela ezinengi. Njengesibonelo; izimuli, ibandla, kanye lelizwe lonke jikelele kuhlangane lomnotho weLizwe obungamanga
kuhle. Kanye lenhlalakahle lezombangazwe zeLizwe bekungamanga kuhle. Ukwesaba bekukhona, njalo kusaqhubeka kukhona.
Iloba kunjalo, phakathi kwengxakangxaka lezi, siyaqonqoselwa yiLizwi elilotshwe ku Amakhosi ukuthi “UNkulunkulu wezintaba unguNkulunkulu wezihotsha”. [1 Amakhosi 20: 23- 27]. Ulathi isikhathi sonke, yikho simethemba kuzo zonke izinto.
Bazalwane, sokuyisikhathi lesiyana somnyaka lapho esihlangana sonke njengemuli yeMethodist sicela uNkulunkulu ukubeka insika yokubana lumnyaka uzakubanjani. Sikwenza lokhu siyame elizwini laAmaHubo elithi, “Uma iNkosi ingasakhi isigodlo abasakhayo basebenzela ize…”
[Ihubo 127: 1- 2]. Kulokhu kuqedisisa kuliqiniso ukuthi laba abaqala umnyaka bengelayo iNkosi bawuqalela ize. Kulokhu, isikhathi esikuso yikuthi sicela uNkulunkulu ukuba aqale umnyaka lathi, njalo lathi sitshengisa isifiso sethu sokungena kusivumelwano laye, yikho linyanga yaziwa ngokwesiko lamaMethodist njenge “Nyanga yeSivumelwano”. Sikhangelisisa lapho esivela khona sikwenze khonokho njengesiqiniseko sokuvuselela izivumelwano esazenza emuva kanye lokungena kuzivumelwano ezintsha loNkulunkulu.
Siqondiswa yindikimba yethu yomnyaka lowu “Ukuthemba uNkulunkulu kuzimo zonke [UHabhakhukhi 3:17-18], lolugwalo lwakhangelisiswa kakhulu ukuthi lusincede njengamaMethodist ukuba sizihlolisise njalo sithandaza lapho sisenza isifungo sokuthi akukho
elinye ibizo emhlabeni lasezulwini elifanelwe ukudunyiswa. Ukuthembeka kwethu kuJehova kakweyamanga ezintweni zomhlaba kodwa ekuthini uNkulunkulu ngubani kithi, ngakho “Loba umkhiwa ungavezi impoko, loba kungekho izithelo evinini leOliva liphuthe ukuthela, amasimu angavezi ukudla, izimvu zichithwe esibayeni, kungabi khona inkomo esibayeni kanti mina ngizathokoza ngeNkosi…” Kasibeni leNyanga yeSivumelwano enhle.
Revd. Dr. K. Paradza [Mission Director].

^ back to top of page ^

ISIBONGO
Lolugwalo “lweNyanga yeSivumelwano” lwalungiswa ngabafundisi uTapiwa Muleya, Gladman Chauya, Elias M. Mutemeri kanye loSiphathisiwe Fuyani. Siyababonga laba esivandeni seNkosi
ngokuzinikela okungaka. Isibongo esikhulu sisiqondisa kwabe Local Languages (Indimi zasekhaya) ngokunanzelela izikhathi zonke ukuthi lolugwalo lumele lufinyelele ebantwini bakithi. Njalo lolugwalo lwatolikelwa kulimi lwesiNdebele nguRev Phiri, Mqoqi Ncube, Lizzie Tshuma lo S. Tshuma. UNkulunkulu makababusise. Sibonga njalo abe Bookshop (Abesiphala seziNgwalo) ngokubona kufanele ukubana lolugwalo lufinyelele kumaMethodist wonke, elizweni kanye laphandle ngendlela zonke.
Revd. O. Chagudhuma {Research and Publications Coordinator}

^ back to top of page ^

USUKU LOKUQALA
ISIHLOKO: Ukukhangelisisa isihloko: Ukuthemba UNkulunkulu kuzimo zonke
ISIFUNDO: UHabakuki 3: 17- 18
Ibhuku likaHabakuki lisinika umnkantsho wengxoxo phakathi kuka mphorofithi lo oNkulunkulu, ngendaba yombuzo ongemutsha wokubana kungani ububi kanye lokuhlupheka kunqoba emhlabeni. Phakathi kwengxoxo leyi, uHabhakhukhi 3: 17- 18 unikeza ithestamente lamandla
okholo olunganyikinywa kanye lokuthemba eNkosini, ukhangelana lezimo ezingemnandi.
Kulezindima, umphorofethi uveza sobala ububi besimo esasesihlaselwe yindlala kanye lokungami kuhle kwezenotho .Isihlahla sevini singasatheli, lalo ivini lingasela zithelo, iOliva lalo lingaselalutho kanye lamasimu engasavezi ukudla. Izifuyo zingasekho emhlambini, kanye lenkomo zingasekho esibayeni. Ngakho konke okubonakala ngaphandle, konke lokhu kuveza isimo esesiphuciwe esingaselathemba. Kodwa, phakathi kwesimo lesi, uHabhakhukhi uyakhuluma, “Kanti mina
ngizathokoza ngeNkosi; ngijabule ngoNkulunkulu wokukhuluwa kwami”. (UHabhakhukhi 3: 18). Lomutsho wokukholwa ugoqela isiqokoqela sendaba kulesisahluko: ukuthi ukwethemba kweqiniso kuNkulunkulu kungaphezu kwezinto esihlangana lazo, loba kungaba
kubi kanjani .
Amazwi omphrofethi asikhumbuza ukuthi ukuvikelwa kanye lentokozo yethu akumelanga kuvele ezintweni zomhlaba ezibambekayo, kodwa othandweni lukaNkulunkulu olamandla. Uma konke okuseduze lathi kudilika, uma okungokwethu sihluthulelwa, siyanxuselwa ukubambelela
eqinisweni lokuthi uNkulunkulu wethu “nguNkulunkulu wosindiso” onguye oyikho konke, othembekileyo omuhle loba ezikhathini ezimnyama. Ukwethemba kwalolohlobo kakulula ukondla, ngoba kudinga ubudlelwano kanye lokubambelela okujulileyo eNkosini, okudlule ekukhathazekeni lekulingweni. Kodwa njengoba umzekeliso kaHabhakhukhi usitshengisa, uma sikhetha ukuthokoza eNkosini sidinge intokozo kuye yedwa, sifumana umthombo wethemba, lokuthula okungazungezwa yikuguquka kwesimo empilweni.
Emhlabeni odinga kakhulu ukuchaza ubumqoka kanye lokuvikelwa kwethu ngenotho kumbe inzuzo yomhlaba, uHabhakhukhi 3: 17- 18 uma njengesikhumbuzo esilamandla sokuthi ukugcwaliswa kweqiniso kungatholakala kuphela othandweni lukaNkulunkulu wethu olungapheliyo. Sikhangelisisa kulesisihloko kuleyiNyanga yeSivumelwano, kayiphefumulele amaMethodist wonke ekujuliseni ithemba labo eNkosini, banamathele kuye njengomthombo wosindiso, njalo bajabule ekwethembekeni kwakhe okungapheliyo, kungakhathalekile ukuthi bahlangana lezimo ezinjani.

^ back to top of page ^

USUKU LWESIBILI
ISIHLOKO: Qina Ume Isibindi Ekwethembeni uNkulunklulu.
ISIFUNDO: UJoshuwa 1: 5- 9
Isingeniso
Ibhuku likaJoshuwa lisikhumbuza ngendaba yabako Israyeli besenkangala ukuyangena kanye lokunqoba kwabo iLizwe lesithembiso. Abantu belungiselela izinkathazo eziphambi kwabo, uNkulunkulu unikeza amazwi okulaya kumkhokheli wabo omutsha, uJoshuwa, emqonqosela ukuba aqine ame isibindi (UJoshuwa 1: 6). Leyinkuthazo ithwele ukuqakatheka uma iqedisiswe kanye lendikimba yethu yomnyaka ethi yona ukuthemba uNkulunkulu kuzimo zonke.
Ukubizelwa Ukuqina lokuma Isibindi (UJoshuwa 1: 5- 6)
KuJoshuwa 1: 5- 6, uJehova wenza izithembiso ezitshiyeneyo kuJoshuwa, ethi, “Akulamuntu ongamelana lawe insuku zonke zokuphila kwakho”. Njengoba ngabaloMose, ngizakuba lawe. Ngeke ngikutshiye kumbe ngikulahle. Ngakho qina ume isibindi, ngoba uzakwenza abantu laba ukuba bangene elizweni engalithembisa ukulinika obaba babo.” Lawamazwi atsho ukuthi amandla kanye lesibindi sikaJoshuwa kawamelanga agxunyekwe ekweneliseni kwakhe, kodwa emandleni
kaNkulunkulu angapheliyo.
Ukuthemba uNkulunkulu ebunzimeni obungaphezu kwamandla ethu
Abako Israyeli bekhangelele ukumelana labahlali abalamandla abaseKhenani, ubizo lokuba baqine bame isibindi lumqoka kulokhu. Ngokukhula kwabantu, ukunqoba kwabo kubonakala kunzima, kodwa isithembiso sikaNkulunkulu sokuba loJoshuwa lokunika abantu umhlaba yisikhumbuzo esimqoka sokuthemba eNkosini, kulokuthemba izehlakalo.
Okumqoka Emandleni lekumeni Isibindi: Ukuhlala elizwini lukaNkulunkulu (UJoshuwa 1: 7- 9)
KuJoshuwa 1: 7- 9, UNkulunkulu uqhubeka etshela uJoshuwa okumqoka okufunakalayo ekuqineni lokuma isibindi: ukucabangisisa ngomlayo kumbe ilizwi lukaNkulunkulu. Ukugcina lowumlayo phambi kwakhe, uJoshuwa uzakwanelisa “ukungasuki kiwo nxa zonke” eveza ukuba yena kanye labantu bonke bezakale bebambelele entandweni lukaNkulunkulu kanye lokuqondisa kwakhe.
Isiphetho
Isifundo esingasifunda kulesisigaba yikuthi amandla lesibindi seqiniso phakathi kwezingxakangxaka kakuveli emandleni ethu, kodwa kuzethembiso kanye lokuba khona kaNkulunkulu. Sicabangisisa ngelizwi lakhe silivumela ukuba libumbe imicabango lokwenza kwethu, lathi singathola isivikelo phakathi kwezikhathi ezinzima, sisazi ukuthi iNkosi ilathi ngeke isilahle. Sengathi lindaba ingasivuselela ukuba sime isibindi ekukholweni kwethu, sithembele othandweni lwakhe olungapheliyo kanye lohlelo lwakhe olunaphakade ngezimpilo zethu.

^ back to top of page ^

USUKU LWESITHATHU
ISIHLOKO: Ukuthemba uThixo Emqansweni kanye laseZihotsheni
ISIFUNDO: UMakho 9: 2- 29
Isingeniso
Siqhubeka ngezifundo zethu, kuqakathekile ukuba sibone ukuthi impilo
yesiKristu iyandelwe yizihotsha kanye lemiqanso, isikhathi
sokuphelelwa emoyeni kuhlangana lezihotsha ezitshonayo zobunzima
kanye lokuthandabuza. Lokhu kubonakaliswa ku Makho 9: 2- 29,
etshengisa ukukhazimuliswa kukaJesu entabeni, kulandelwa
yikwehluleka kwabafundi bakhe ukuxotsha umoya omubi
owawusemfaneni. Uma sihlolisisa lindaba siyimisa lendikimba yethu ethi
“ukuthemba uNkulunkulu kuzimo zonke”, sifumana isifundo
esiqakathekileyo ekugcineni ukholo lwethu emehlweni kanye
lemqansweni wempilo.
Umumo Waphezu kweNtaba (UMakho 9: 2- 8)
Endimeni yokuqala yalesisahluko, uJesu uthatha uPetro, uJakhobe kanye
loJohane emqongweni wentaba, lapho akhazimuliswa khona phambi
kwabo, izembatho zakhe zaphenduka zabo mhlophe isimo sakhe
saguqulwa. Lokhu okwenzakalayo kuJesu kuyisikhumbuzo esilamandla
esisitshengisa ukuba yena uqobo lwakhe ungubani- iNdodana
kaNkulunkulu, uMesiya. Kubafundi bakhe, lokhu kungaba kwaba
yikuvuselelwa lokuqiniswa koKholo, isikhathi esihle esaqinisa
ukukholwa kwabo emsebenzini kanye lekubeni yikho kukaJesu.
Isihotsha Sokuthandabuza kanye Lengxakangxaka (UMakho 9: 14-
29)
Loba kunjalo, isahluko siqhubekela phambili, sibona abafundi bengena
phakathi kezimo ezihlukeneyo. Besehla entabeni, bazithola besehluleka
ukuxotsha umoya omubi obusemfaneni, okwenza kwaba
lokungazwanani lababhali kanye lokukhathazeka kukababa womfana
edinga usizo. Lesisihotsha sokukhathazeka kanye lokuthandabuza
kuyaphikisana labahlangana laklho entabeni, okuveza sobala
ubuthakathaka babafundi kanye lokuswela ukholo.
Ukuthemba uNkulunkulu Ekwehleni LaseMqansweni
Isifundo esingasifunda kuleyindaba yikuthi ukuthemba uNkulunkulu
ezimweni zonke kutsho ukugcina ukholo lwakho hatshi kuphela
eNtabeni, kodwa lasezihotsheni. Njegokuba abafundi bakhe babefanele
ukweyama emandleni kaKristu ekuxotsheni umoya omubi
owawusemfaneni, lathi ke sifanele ukufunda ukuthembela kuNkulunkulu
lasemandleni akhe, lanxa umumo ukhanya ungelathemba lalokhu
esilakho kungasaneli.
Impendulo kaJesu kusikhalazo sikababa, “Izinto zonke ziyenzeka kulabo
abakholwayo” (UMakho 9: 23), isebenza njengesikhumbuzo esilamandla
ukuthi ukwethemba kwethu kuNkulunkulu kakumanga ekukhweleni
kumbe ekwehleni komuntu womoya empilweni zethu zikamoya, kodwa
ethandweni, emuseni kanye lasemandleni kaNkulunkulu angaguqukiyo.
Uma sizifumana sisezihotsheni, sifanele ukunamathela eqinisweni
lokuthi uthando lukaNkulunkulu kanye lobukhona bakhe
obungaguqukiyo, lokuthi uyanelisa ukusebenza ngamandla phakathi
kwethu njalo ngathi, loba sibuthakathaka
Isiphetho
UMarko 9 usifundisa ukuba sigcine ithemba lethu kuNkulunkulu, hatshi
kuphela sivuseleleke emoyeni, laloba sizifumana sisesihotsheni
sokuthandabuza, ebunzimeni kanye losizini. Ngokuthi nhlo amehlo ethu
kuJesu, umqali lomphelelisi wokukholwa kwethu, singathola amandla
okuqhubekela phambili, sisazi ukuba amandla kanye lomusa wakhe
kusanele ezimeni zonke. Sengathi lesisifundo singasinika amandla
okuthemba kuNkulunkulu, loba kusiphisimo esihlangana laso ehambeni
lethu.

^ back to top of page ^

USUKU LWESINE
ISIHLOKO: Ingozi Yokwehluleka Ukuthemba UNkulunkulu
ISIFUNDO: UMakho 6: 1- 6
Isingeniso
KumaVangeli izikhathi ezinengi sihlangana lemizekeliso yabantu
abehluleka ukuthemba uNkulunkulu lasemandleni akhe loba
kwakulobufakazi obukhulu bemvelo yakhe kanye lemisebenzi yakhe.
Isigaba esikuMakho 6: 1- 6 sisinika umfanekiso wengozi yalokhu
ukungakholwa, ngoba uJesu ehlangana lokuphikiswa lokuthandabuza
ebantwini okuyibo okwakumele bamukele imfundiso yakhe- abantu
basedolobheni lakibo. Sihluza lesisigaba, siyakhunjuzwa ukuqakatheka
kokubambelela ekukholweni, laphakathi kwezikhathi zokuntandabuza
kanye lokuphikiswa.
Idolobho lokuthandabuza (UMakho 6: 1- 3)
Kulesisigaba sibona uJesu ephenduka edolobheni lakibo
lasemaNazaretha, lapho aqala khona ukufundisa kumasinagogo.
Kodwake, kulokuba abantu bamukele imfundiso yakhe ngenhliziyo
langengqondo ezamukelayo, bagcwele ngokuthandabuza kanye lenkani.
“Kanti lindoda yazithatha ngaphi lezizinto?” bayabuza, bebuza ukuthi
inhlakanipho engaka kanye lemfundiso yakhe wayithatha ngaphi.
Ukumazi kwabo njengo “mbazi” lomntaka Mariya kubalethela
ukuthandabuza ubizo kanye lamandla akhe, besekubavikela ukunanzelela
inkonzo yakhe.
Umvuzo wokungakholwa (UMakho 6: 4- 6)
Impendulo kaJesu ekuthandabuzeni kwabantu ibuhlungu. Uthi
“Umphrofithi akasweli ukudunyiswa ngaphandle kwaselizweni lakubo,
lasezihlotsheni zakhe, lasendlini yakibo” (UMakho 6: 4). Lowu mutsho
ubonakalisa ingozi esegcekeni yokuthi laba abaseduze lathi yibo kanye
abamelana lokuthemba umsebenzi kaNkulunkulu, ikakhulu uma
kuphikisana lalokhu bona abakufunayo kumbe kumelana lenhlalakahle
yabo.
“Wamangala ngokuthandabuza kwabo” akasaqhubekanga ukwenza
izimangaliso endaweni yabo”. (UMakho 6:5- 6). Konke lokhu
kubonakalisa umvuzo wokungakholwa, ngokuba kungavaleli kuphela
izibusiso zikaNkulunkulu, kodwa kuyalulaza umsebenzi kaNkulunkulu
empilweni zethu kanye lakulaba abaseduze lathi.
Ukuthemba uNkulunkulu Ezikhathini Zokuthandabuza
Isifundo esingasifunda kulindima yikuthi ukugcina ithemba lethu
kuNkulunkulu kumqoka, ikakhulu uma sihlangana lokuphikisana,
lokungaqedisisi, lokuthandabuza kulabo abaseduze lathi. Uma
singavumela ukholo lwethu lunyikinywe ngokungakholwa kwabaseduze
lathi, singazifaka ekulahlekelweni ngamandla kaNkulunkulu aguqulayo
kanye lokusebenza kwakhe empilweni zethu.
Kuphela kumele sikhethe ukubambelela eqinisweni likaNkukunkulu
lasethandweni lwakhe, umusa kanye lamandla, loba umumo uphikisana
lalokhu. Ngokwenzajalo, kasizifaki kuphela endaweni yokwamukela
izibusiso zikaNkulunkulu ngokugcweleyo, kodwa sifakaza amandla
okukholwa agxunyekwe kokukhulu kulomhlabathi onyikinywayo
oyimbono yabantu.
Isiphetho
Lesisifundo esikuMakho 6 siyisikhumbuzo esibuhlungu sengozi
yokungakholwa, kanye lokuqakatheka kokugcina ithemba elimi
kuNkulunkulu, phakathi kokuthandabuza kanye lezinto eziphikisayo.
Lapha sidlula phakathi kwezinkathazo kanye lokungazwisiseki
kwempilo, kasifumaneni amandla okwala sikhangele ethandweni lwakhe
olungelakuphela kanye lezithembiso zakhe ezimiyo ezikababa
oseZulwini, sivumela ukubana ukholo, lwethu lukhule kanye lokuthemba
kwethu kujule, kungakhathalekile ukubana umumo uminjani.

^ back to top of page ^

USUKU LWESIHLANU
ISIHLOKO: Ukuthemba uNkulunkulu loba Siphakathi
Kokuphiceka Kanye Lokukhulelwa
ISIFUNDO: UMakho 4: 35- 41
Isingeniso
Phakathi kwesiphepho sempilo, kubalula ukuzizwa uphiceka, ukhulelwa
kanye lokubakude loNkulunkulu. Isifundo esiku Makho 4: 35- 41
sisivezela umzekeliso walokhu, abafundi bazithola sebephakathi
komumo owesabekayo beseLwandle lwaseGalili, yena elele. Sihluzisisa
lindaba sikhangele isihloko sokwethemba kuNkulunkulu ezimeni zonke,
siyakhunjuzwa ngokuqakatheka kokubambelela ekukholweni kwethu,
loba umumo ungani ubonakalisa ukuthi uNkulunkulu akakho kumbe
usukile.
Isiphepho esilamandla (UMakho 4: 35- 38)
Lindima iqala ngoJesu elayela abafundi bakhe ukuba bawelele
ngaphetsheya kwelinye icele loLwandle lwaseGalili. Ekusukeni kwabo,
umoya omkhulu waphakama, wabangela ukuba amagagasi atshaye
kabanzi umkhumbi. Phakathi kwalesiskhathi sobunzima, abafundi
bathola ukuthi uJesu ulele ngokuthula, okwabangela ukuba bakhale
ekusweleni kwabo usizo, “Mfundisi, kawukhathazeki ukuba
siyabhubha?” (UMakho 4: 38)
Ukuthuliswa kweSiphepha (UMakho 4: 39- 41)
Impendulo kaJesu kusicelo sabafundi ilamandla njalo iyamangalisa.
Waphonguphakama, wakhuza umoya, wakhuza lolwandle ukuba
“Luthule” (UMakho 4: 39). Masinyane, umoya waphola, ukuthula
okukhulu kwavela phezu kwamanzi. Ukuziveza kukaJesu
ngalesisimanga phezu kwamandla emvelo kuyisikhumbuzo sobungcwele
bamandla akhe kanye lobukhulu bakhe.
Ukuthemba uNkulunkulu Phakathi Kokuphiceka kanye
lokukhulelwa
Isifundo esiqakathekileyo esisifunda kulesisifundo yikuthi loba sizithola
siphakathi kweziphepho zempilo, siphicekile njalo sikhulelwa
ngesihlangana lakho, uNkulunkulu wala ekhona njalo esebenza.
Njengokuba uJesu wayephakathi komkhumbi labafundi, kunjalo ulathi,
loba kungakhangeleka engani ulele kumbe kakhathazeki.
Ukutshengisela kwabafundi bakhe ukwesaba kuvamile njalo
kuyazwisiseka, kodwa ukukhuza kukaJesu ukwesaba kanye lokholo
lwabo oluncane (UMakho 4: 40) kuyasikhuthaza ukuba sithembele kuye,
loba umumo wethu ukhanya engani uyaphikisana lokusinakekela kwakhe
kanye lokusikhathalela kwakhe. Ukwala amehlo ethu ethe nhlo
eqinisweni lasemandleni kaNkulunkulu, uthando kanye lamandla,
singathola isibindi sokumelana loba yisiphi isiphepho, sisazi ukuthi
uhlala ekhona njalo esenzela okuhle.
Isiphetho
Indima eku Makho 4 isebenza njengesikhumbuzo esilamandla ukuthi
loba phakathi kwengxakangxaka lokukhulelwa, uNkulunkulu lokhu
esebenza, uthando lwakhe lokunakelela kwakhe ngeke kuphele. Lapha
sidlula phakathi kweziphepho zempilo, kasifumaneni amandla
okubambelela kuye ngokholo, sithemba ukuthi uyasebenza njalo
uzasiqondisa ukuba sidlule siphephile loba sihlangana lobunzima.

^ back to top of page ^

USUKU LWESITHUPHA
ISIHLOKO: Ukuthemba uNkulunkulu imiduli isiwa.
ISIFUNDO: UJoshuwa 6: 17- 27
Isingeniso
Ebhukwini likaJoshuwa sihlangana lesikhathi esiqakathekileyo ehambeni
lwabako Israyeli besiya eLizweni leSithembiso- isimanga sokuwa
kwemiduli yaseJericho. Lesisiga, esichasiswa kuJoshuwa 6: 17- 27,
sisebenza njengomfanekiso olamandla kokuqakatheka kokuthemba
uNkulunkulu, loba umumo esibhekane lawo unzima. Lapho sihlaziya
lesisigaba sikhangelane lalesisihloko esijulileyo sokuthemba
uNkulunkulu ezintweni zonke, siyakhunjuzwa ngamandla aguqulayo
avela ekubekeni ukukholwa kwethu kuMninimandla.
Ukuwa KweJericho (UJoshuwa 6: 17- 21)
Abako Israyeli, bekhokhelwa nguJoshuwa bafika emzini ovikelekileyo
waseJericho, wona ome njengomngcele endleleni yabo yokuya eLizweni
leSithembiso. UNkulunkulu ubatshela ukuba babhode iSigodlo
okwamalanga ayisikhombisa, ngelanga lesikhombisa, bahlabe umkhosi
betshaya impondo. Lokhu kwenza kwabo kutshiya abakoIsrayeli kanye
lombali bemangala ukuthi kanti ukwenza lokhu okulula kangaka
kungabangela ukuwa kweSigodlo.
Kanti, uma abakoIsrayeli behlonipha lokulalela ukulaya
kukaNkulunklulu, imiduli yaseJericho yawa, kwanelisa abaIsrayeli
ukunqoba isigodlo ngokuphangisa. Lesisehlakalo sibonisa
ukuzibonakalisa kwamandla kaNkulunkulu kanye lokuqakatheka kohlelo
lwakhe, iloba kungavumelani lokubona kumbe ukuqedisisa kwabantu.
Ukugcinwa kuka Rahabi (UJoshuwa 6: 22- 25)
Phakathi kwengxakangxaka kanye lokudilika kweJericho, isifundo njalo
sitshengisa indaba kaRahabi, umfazi waseKanani owagcina inhloli
zakoIsrayeli. Kungenani lokwakumele kwenzakale esigodlweni, uRahabi
lemuli yakhe bavikelwa, okuyibufakazi bokuthembeka kukaNkulunkulu
kanye lemivuzo eza ngokumethemba, loba sikhangelane lobunzima
obukhulu kanye lezitha.
Ukuthemba uNkulunkulu loba imiduli Isiwa
Isifundo esingasifunda kulesisigaba yikuthi amandla kaNkulunkulu
lobukhulu bakhe kakungeke kwehliswe ngamandla ezimo zethu kumbe
imiqanso ingani kayichapheki esikhangelane layo. Njengalokhu
abakoIsrayeli bathemba icebo likaNkulunkulu ngeJericho loba
kwakukhangeleka kungani yibuwula njalo kakwenzeki, kanjaloke lathi
siyanxuswa ukuba sithembe yena, loba “imiduli” yezimpilo zethu
ikhangeleka ingani ingasibandezela.
Loba sibhekane lezinkathazo zethu uqobo, inkathazo zesigaba, lezimpi
zomoya, indaba yeJericho isikhumbuza ukuthi uNkulunkulu lokhu
esabusa lokuthi ukholo lwethu olumiyo kuye lungavula iminyango
yezimanga. Ukwala sigxilise amehlo ethu eqinisweni lothando lwakhe,
umusa, lamandla, singathola isibindi lamandla okubhekana loba yisiphi
isimo, sisazi ukuthi usebenza zonke izinto ezinhle esebenzela thina.
Isiphetho
Indima ekuJoshuwa 6 isebenza njengobufakazi bamandla aguqulayo
ekuthembeni uNkulunkulu ezintweni zonke. Lapho sisehla siqansa
empilweni, kasiphefumuleeni ekulandeleni umzekeliso wabako Israyeli,
sibeka ukuKholwa kwethu kuMninimandla njalo sivumela ukuba
asebenze ngamandla ezimpilweni zethu, loba “imiduli” ezinkathazo
esihlangana lazo ifuna ukusiwela.

^ back to top of page ^

USUKU LWESIKHOMBISA
ISIHLOKO: Ukwethulela Izinkathazo eNkosini
ISIFUNDO: Ihubo 55: 22
Isingeniso
Phakathi kwezilingo lezinkathazo zempilo, kungabalula ukukhulelwa
yimithwalo esiyithweleyo. Umhlabeleli kuHubo 55: 1 uyakutshengisa
lokhu ngokukhala esithi, “Nikeza indlebe emthandazweni wami,
Nkulunkulu, ungazifihli ekunxuseni kwami”. Lesisifundo,
singakhangelwa kabanzi ngesihloko sethu esithi “ukuthemba
uNkulunkulu kuzo zonke izimo”, isinikeza isikhumbuzo esilamandla
kokuqakatheka kokwethulela izinkathazo zethu phezu kweNkosi.
Ukukhathazeka koMhlabeleli (Ihubo 55: 1- 8)
Indima zakuqala zeHubo 55 zikhupha umfanekiso ojulileyo
wokukhathazeka ngaphakathi koMhlabeleli. Uhlaselwe yikukhathazeka,
ingozi lokwesaba, inhliziyo yakhe ikhathazekile. UMhlabeleli uzwa
engani izitha zakhe ziyamlandela, ufisa ukuthula kanye lokuvikelwa
ayekwazi.
Phakathi kokukhathazeka, uMhlabeleli uyakhala kuNkulunkulu, ecela
usizo lokuthi uNkulunkulu engazifihli ekukhaleni kwakhe (Ihubo 55: 1).
Ukukhala lokhu kokuphelelwa kubonisa ukuzwa komuntu ukuthi
uyasindwa njalo sesukile ebungcweleni, njengalokhu uMhlabeleli
esadalala ukugcina ukukholwa kwakhe.
Ukwethulela Imithwalo ENkosini (Ihubo 55: 22)
Indima emqoka ekhulumela isisekelo sesihloko yalesisifundo liHubo 55:
22 ethi, “Yethulelani izinkathazo zenu eNkosini, izakukusekela;
kayiyikuvuma lanini ukuba ukuba olungileyo anyikinywe”.
Lesi isikhumbuzo esilamandla sisikhumbuza ukuthi phakathi
kokukhathazeka kanye lobuhlungu, asibekelwanga ukuthwala umthwalo
sodwa. Kodwa, sinxuselwe ukwethulela imithwalo kanye
lokukhathazeka kwethu eNkosini, sithemba ukuba uzasilwela asiphe
njalo amandla lesisekelo esisidingayo.
Uma sikhetha ukuthulela inkathazo zethu kuNkulunkulu, siyavuma
ukusilela kwethu kanye lokudingeka kokungenela kwakhe.
Ngokwenzanjalo, siyazivulela amandla akhe aguqulayo omusa wakhe,
ongasiphakamisa usikhuphe ekukhathazekeni uvuselele ithemba kanye
lokholo lwethu.
Ukuthemba uNkulunkulu Ezimeni Zonke
Isifundo esisifunda kuleyindima yikuthi phakathi kwezilingo
lokukhathazwa, siyathola usizo lamandla ekuthembeni uNkulunkulu.
Uma sethulela inkathazo zethu phezu kwakhe, sifaka ubukhulu bakhe,
uthando lwakhe kanye lokwanelisa kwakhe ukusithwala loba yibuphi
ubunzima.
Lokhu akutsho ukuthi izinkathazo zethu zizanyamalala ngokuphazima
kweso kumbe ubuhlungu bethu bungasuswa masinyane. Kodwa, kutsho
ukuthi singaphumula ekwazini lokuthi uNkulunkulu ulathi, usebenza
zonke izinto ndawonye okuhle kwabamthandayo, loba singayiboni
indlela phambili.
Isiphetho
Amazwi woMhlabeleli kuHubo 55 asebenza njengesikhumbuzo sokuthi
akufanelanga sibhekane lezinkathazo zempilo sodwa. Ngokwethulela
inhlupho zethu eNkosini, singathola isibindi lamandla wokuthemba kuye,
loba inkathazo esizithweleyo zingabonakala engani zinzima ukuzithwala.
Sidlula ekwehleni lemqansweni wempilo, kasiphefumulelweni ukwala
sibambelele kuleliqiniso kanye lokunikela inkathazo zethu Kuye okhona
njalo ukusilwela.

^ back to top of page ^

USUKU LWESITSHIYAGALOMBILI
ISIHLOKO: Ukuthemba uNkulunkulu, loba kungani akulangqondo
ISIFUNDO: IZAGA 3: 5- 6
Ngelanga lanamhlanje sizakhangela indaba esebhukwini leZaga 3: 5- 6, lezindima zimumethe iqiniso elilamandla okuguqula izimpilo zethu lokulumathisa umlilo ongapheliyo wethemba ezimpilweni zethu, loba kungani akucaci.
Izaga 3: 5- 6 ibaleka kanje, “Themba eNkosini ngayo yonke inhliziyo yakho, ungathembi kokwakho ukuqedisisa. Ivume endleleni zakho zonke, uzaqondisa imikhondo yakho yonke”. Lawamazwi asonkondlo nje kumbe amazwi wokholo angelamsebenzi. Amumethe ukunxuselwa okungcwele ukuthatha indlela engalula ekwethembeni uNkulunkulu.
Emhlabeni oholelwa lulwazi lwabantu kanye lokuzithemba, lowu mlayo wokuthemba eNkosini ngenhliziyo zethu kungangani yibuwula. Abantu balokuthemba amandla abo, lokudinga indlela zabo lokuthemba ulwazi lwabo, bazihlele konke okuphathelane lempilo zethu. Kodwa inhlakanipho evela kuNkulunkulu ingaphezu kwenhlakanipho yabantu, indlela zakhe ziphakeme kulendlela zethu.
UNkulunkulu usibizele ukunikela ukusilela kokuqedisisa kwethu sibekithemba lethu kuye ngenhliziyo yonke. Uyasinxusela ukungena elizweni lokukholwa, lapho amandla akhe enziwe aba mnene ebuthakathakeni bethu. Kusesikhathini lesi lapho ukuqedisisa kwethu kuyehluleka, lapho izimo zibonakala zimnyama njalo ziphica, ukuthi ubukhulu bukaNkulunkulu buyakhanya ngamandla uyenelisa ukwenza izimanga uma sithemba kuye singelakuthandabuza, loba kungani umumo awuqedakali.
Nanzelela indaba kaAbraham. UNkulunkulu wambiza ukuba atshiye ilizwe labakibo aye elizweni ayezamtshengisa lona. U Abrahama wayengelandlela, engela GPS, njalo engela ngitsho lomcabango wokungena ehambeni olunje. Kodwa wakhetha ukuthemba uNkulunkulu, loba kwakungelangqondo. Ngalokhu ke, wabangubaba weZizwe zonke, ngosendo lwakhe, uMesiya wangena emhlabeni.
Kumbe cabangisisa ngoMose, emi phambi koLwandle oLubomvu ibutho lamaGibitha lisondela. Umumo wawungelathemba njalo ungazwisiseki. Kodwa ekuthembeni kwakhe uNkulunkulu phezu kwakho konke, uLwandle lwehlukana, abakoIsrayeli bahamba emhlabathini owomileyo.
KuThestamente Elitsha, sifumana indaba kaPetro, umgoli wenhlanzi olulazekileyo, owabizwa ukuba aphume emkhunjini ahambe emanzini esiya kuJesu. Konke lokhu kwakuphikisana lelihlo lengqondo kanye lemvelo ukuhamba emanzini, kodwa uPetro wathemba uJesu wahlangana lesimanga kwaze kwafika ukuthandabuza kwakhe.
Leyimizekeliso isikhumbuza ukuthi uma sithemba uNkulunkulu loba kungani kakulangqondo, siyazibeka endaweni ezisivezela okumangalisayo. Impilo zethu ziba yibufakazi bokuthembeka kwakhe, ngalokho siyanxusela abanye ukwenza okufananayo.
Ukuthemba uNkulunklulu ezintweni ezingacaciyo kudinga isibindi, ukuzehlisa, kanye lesifiso sokuvuma ukuba inhlelo zethu zidlule. Kutsho ukwamukela ukuthi ukuqedisisa kwakhe kudlula okwethu njalo indlela zakhe zimnene, loba zingavumelani lokucabanga kwethu. Kutsho ukunikela inkanuko zethu lokuzinikela entandweni yakhe, sithemba ukuthi uzakwenza indlela zethu ziqonde.
Ngakhoke zihlobo, kasibambeni ndawonye njengebandla, sithembe kuNkulunkulu. Kasikhuthazeni omunye lomunye ukubeka eceleni ukuthandabuza lokwesaba. Kasikhetheni ukumethemba ngokukholwa kethu okunganyikinya, loba umumo ubonakala unzima. Ngoba kusezikhathini ezinjalo lapho amandla akhe avezwa khona, inkazimulo yakhe yambulwe, icebo lakhe lipheleliswe. Sengathi amazwe aku Izaga 3: 5- 6 angaba liculo empilweni zethu, azwakale engqondweni kanye lasenhliziyweni, esincedisa ukudlulela phambili ekukholweni okunganyikinyekiyo. “Thembela eNkosini ngenhliziyo yakho yonke ungeyami ekuqedisiseni kwakho, ngendlela zakho zonke zehlisele kuye, uzakwenza indlela zakho ziqonde”. Sengathi uNkulunkulu engalibusisa kabanzi lapho liphuma ngokukholwa lokumethemba, loba kungani akucaci.

^ back to top of page ^

USUKU LWESITSHIYAGALOLUNYE
ISIHLOKO: Abalungileyo Bazakuphila Ngokukholwa
UMBHALO: UHABAKHUKI 2: 4
Namhlanje ngifuna ukulidonsela eBhukwini likaHabhakhukhi kuThestamente Elidala, ikakhulu kusahluko sesibili, esisinika imbono ejulileyo ngokuthemba uNkulunkulu ngezikhathi ezimbi.
Kusigaba lesi, umphrofitha uHabakuki uzithola esesimeni esiyingxabangxoza esingaqedakaliyo. Uthwaliswe nzima ngumumo ongelakulunga kanye lodlakela esigabeni, ngakho uyakhala
kuNkulunkulu, edinga impendulo kanye lokuqedisisa. Ekuphendulweni kwesicelo sakhe, uNkulunkulu ulaya uHabakukhi ukuba alobe phansi umbono awubeke egcekeni ukuze labo abawufundayo bagijime lawo.
Umlayezo lowu ocolekileyo uphethe isifundo sethu sanamuhla. Uma sihlangana lokungaqedakali lenkathazo empilweni zethu, kuqakathekile ukudinga inhlakanipho kanye lokuqondisa kukaNkulunkulu. Impedulo kaNkulunkulu kuHabakuki isifundisa ukuthi phakathi kwengxakangxaka, sifanele sithembe uNkulunkulu.
Ukuthemba uNkulunkulu ezikhathini ezingaqedakaliyo kudinga ukuba sibe lokukholwa ukuthi konke kusezandleni zakhe, loba umumo ubonakala ungacaci. KuHabakukhi 2: 4, uNkulunkulu unikeza umphorofithi isiqiniseko, “Olungileyo uzaphila ngokukholwa kwakhe”. Lowu mutsho ugcizelela ukuqakatheka kokugcina ukholo lwethu kuzithembiso zikaNkulunkulu, loba singelakuqedisisa indlela zakhe.
Empilweni zethu, sihlangana lezinto ezinengi. Kungaba yikuswelakala kwemali, ukuphatheka emzimbeni, ukungazwisisani, kumbe ukuguquka komumo esiyabe singakukhangelelanga okusijikela eceleni. Kodwake, njengokuba uHabakuki wathemba icebo likaNkulunkulu, lathi singabeka ithemba lethu Kuye.
Ukuthemba uNkulunkulu akutsho ukuthi sizavikelwa ezinkathazweni kumbe ukuthi sizahlala siqedisisa amacebo akhe. Kodwa, kutsho ukuthi sithemba ukuthi uNkulunklulu usebenza phakathi kanye langomumo esihlangana lawo, loba singaboni impendulo ziphangisa. Njengokutsho kukaMpostoli uPhawuli kwabase Roma 8: 28, “Siyazi ukuthi kukho konke usebenza okuhle lalabo abamthandayo uNkulunkulu, ababiziweyo ngokwecebo lakhe”.
Ukuthemba uNkulunkulu ngezikhathi zobunzima kugoqela ukudinga ukuqondisa kwakhe ngomthandazo langokufunda ilizwi lakhe. UHabakukhi wabonisa lokhu ngokumelela uNkulunkulu lokulalela impendulo yakhe. Ngokunjaloke, sifanele ukufumana ithuba lokukhuluma loNkulukunkulu, siphakamise inhliziyo zethu kuye sidinga inhlakanipho kanye lokuqondisa kwakhe.
Njalo futhi, sisathemba kuNkulunkulu, sifanele ukukhumbula ukuthi usebenza ngesikhathi esifaneleyo. UHabakuki wamelela ngok ubekezela ukuthi icebo lukaNkulunkulu livezwe, lathi sifanele ukwenza lokhu. Kwezinye izikhathi, uNkulunkulu uyaphendula njalo ukwenza kwakhe kuza singacabangeli, kodwa kuza ngokuhlela lwakhe olumnene.
Ekuphetheni, ibhuku likaHabakuki lisebenza njengesikhumbuzo esilamandla sokuthi ukuthemba uNkulunkulu akukho lula kuphela kodwa kuyadingeka. Uma sihlangana lezinkathazo lokuphiceka, kasifundeni ekholweni lukaHabhakhukhi sidinga inhlakanipho kaNkulunkulu, sisazi ukuthi uyasebenza njalo lenhlelo zakhe zimi kuze kube phakade. Kasifumaneni amandla kanye lesibindi ekuthembeni uNkulunkulu, loba singeke sibone kalula indlela ephambi kwethu.

^ back to top of page ^

USUKU LWETSHUMI
ISIHLOKO: UNkulunkulu Olamandla Obusa Phezukonke
ISIFUNDO: Ihubo 115: 3- 8
Isingeniso
Siphila emhlabeni okhanya ulokuxokozela. Ingozi zemvelo, ukungazwisisani kwezombangazwe, kanye lenhlupho zomunye lomunye- uhle uzwe ukuthi kakukho okucacayo.
Kodwa phakathi kokuhlupheka lokhu, uMhlabeleli kuHubo 115 ukhuluma iqiniso elilamandla ethi, “Owethu uNKulunkulu usezulwini wenza konke akuthandayo”. Ubuqotho bakhe buphikisana lezithombe (v.3- 4). “Owethu uNkulunkulu usezulwini, wenza akuthandayo.”(v.3)
UNkulunkulu akasilelanga njalo akenqabeleki- wenza akucabangayo. Ungumninimandla wonke njalo uyabusa. Ngokwahlukileyo, “izithombe zeZizwe ngeze siliva legolide, imisebenzi yezandla zabantu”. (v.4). izithombe, zingabe zingezibaziweyo kumbe emncabangweni, kazilamandla. Zidalwe ngabantu ababhubhayo. Izithombe kazilamandla (v.5- 7).
UMhlabeleli uyaqhubeka echasisa ukululazeka kwezithombe ethi- “Zilemilomo kodwa kazikhulumi, zilamehlo kodwa kaziboni. Zilendlebe, kodwa kazizwa, kazilangitsho lomphefumulo emilonyeni yazo”. (v. 5- 6). Izithombe kazicabangi, kazizwa kumbe ukuphendula. Kazilangitsho impilo njalo kazenelisi ukwenza ulutho. Labo abathemba ezintweni ezinje ezingelamandla “bafanana lazo.”(v. 7) – belulazekile bengelampilo yeqiniso.
UNkulunkulu kuphela uMkhulu. (v. 3). Ekwehlukaneni lezithombe eziyize, “uNkulunkulu wethu useZulwini, wenza lokhu akufunayo.” UNkulunkulu weqiniso oyedwa, wazikonke, ubusa konke. Akukho okungaphandle kwamandla akhe lentando yakhe. Kungafani lezithombe, uNkulunkulu uyabona, uyezwa njalo usebenza ngecebo lakhe elipheleleyo. Ungophilayo, uMdali wakho konke. Emhlabeni ongani kawuthembakali, singathola induduzo enkulu, ukuvikelwa kanye lokuthula kuNkulunkulu obusa konke. Uma sibona ukuba uNkulunkulu impela uyabusa, singabeka impilo zethu ngokupheleleyo sisazi ukuthi uzasebenza okuhle ndawonye ukwenzela thina.
Kasaleni izithombe ezingelalutho, ezingelamandla ezesikhathi sethu sikhonze uNkulunkulu obusayo phezu kwezidalwa zonke.
Isiphetho
UNkulunkulu esimkhonzayo asoNkulunkulu okhatshana, ongekho ebantwini, kodwa iNkosi elamandla esebenzayo emhlabeni.
Makusiqinise lokhu ukuthemba kuye ngokupheleleyo, loba sibhekane lomumo onjani. Ngoba uNkulunkulu wethu uyabusa, njalo wenza akufunayo.

^ back to top of page ^

USUKU LWETSHUMI LANYE
ISIHLOKO: Ukuzuza Isiphephelo ku Nkulunkulu
ISIFUNDO: AMAHUBO 46:1
U Mahubo 46:1 uyamemezela, “UNkulunkulu uyisiphephelo lamandla ethu, usizo oluhlezi lukhona ngezikhathi zokuhlukumezeka.” Le ivesi iyasikhumbuza ukuthi uNkulunkulu ulizulu lethu elivikelekileyo, idwala, njalo enguMsindisi wethu. Elizweni eligcwele ngokungaqondi lodlakela, siyazuza ukuthula lenduduzo nxa inkosi inkona.
Okokwenza
1 Tshengisa isiphephelo sakho: Nanzelela ukuthi uNkulunkulu uyisiphephelo eseneleyo, hayi abantu, inotho yakho, kumbe indawo.
2 Dinga ubukhona buka Nkulunkulu: Ezikhathini zenhlupheko, hamba kuNkulunkulu ngomthandazo, cabangisisa, njalo ubale ilizwi Lakhe.
3 Thembela ebukhosini bukaNkulunkulu: ukholwe ukuthi uNkulunkulu uyabusa, lanxa isimo sikhangeleka singamanga kuhle.
4 Dinga amandla kuNkulunkulu: Bambelela emandleni lakunhlakanipho kaNkulunkulu ukuze ukhangelane lezehlakalo ezimbi.
5 Yabelana labanye ngeSiphephelo sakho: Tshengisa abanye ngo Nkulunkulu njengesiphephelo sabo lamandla abo, ukwabelana ngeThemba loMusa owuzuze Kuye.
Imibuzo yokucabanga:
Yiziphi ezinye izigaba empilweni yakho lapho odinga uNkulunkulu njengesiphephelo sakho?
Ungenza njani ukuthi uthembe ubukhosi buka Nkulunkulu ezikhathini zobunzima?
Ungabelana lobani kule iviki mayelana ngokuphephela kuNkulunkulu?

^ back to top of page ^

USUKU LWETSHUMI LAMBILI
ISIHLOKO: “Lapho Ikhiwane Libuna”
Isifundo: Habakkuk 3:17
“Lanxa umkhiwa ungavezi impoko, loma kungela zithelo evinini le oliva lingathelanga, lensimu ingela kudla….”
Iqiniso lase Sobunzimeni
Ukuthembeka kuka Habakuki enanzelela ukulahleka kwempahla lobunzima owahlangana labo, (Habakuki 3:17). Kuphinda kubeliqiniso ukuthi sonke siyahlangana lezikhathi zobunzima, ukulahlekelwa, lobunzima empilweni zethu. Kulula kangakanani ukuthi ngamunye ngamunye sikhangeleni lezehlakalo ezisitshiya sesilahlekelwe lithemba? Kanengi sikhokhelelwa yimvelo yokuthobela Ubuntu besesisehluleka nxa izinto zingasahambanga njengokuhlela kwethu. Isinqumo sika Habakuki esokulondoloza ukholo lwakhe eNkosini langaphandle kobunzima ayedlula kubo (Habakuki3:18) kuyatshengisa sobala ukuqakatheka kokukhetha ukwethemba ubuhle lobukhosi buka Nkulunkulu, lanxa impilo iyabe ingasatsho lutho. Ukumemezela kuka
Habakuki esithi “thabani eNkosini” njalo “lithokoze ku Nkulunkulu uMsindisi wami” (UHabakuki 3:18) Kulomahluko phakathi kokuthaba, okuya ngesikhathi, lenjabulo egxile kubudlelwano bethu loNkulunkulu. UHabakuki uyagcwalisa ukuthi “ubuNkosi BeNkosi bungamandla akhe” kuyibufakazi obuqinisekileyo ukuthi UNkulunkulu angasipha amandla amakhulu njalo asisize sinqobe ngokwehlukana kwezimo.
Okokwenza
Khangelisisa wena ngokwakho ubunzima obukhona ube usuthatha isikhathi sokucubungula ngokuthembeka lapho okulobunzima khona, ukulahlekelwa, kumbe ubunzima okhangelane labo okwasonalesi isikhathi empiweni yakho. Yamukela iqiniso lobunzima kusimo sakho, kodwa ungavumi kukubhidlize. Khetha ukwethemba uBukhosi buka Nkulunkulu.
Yenza isinqumo esibalulekileyo, njengo Habakuki, ugcine ukholo lwakho ebuhleni buka Nkulunkulu lokukhokhelela kwakhe lanxa impilo ingasela lutho. Uzikhumbuze ukuthi “iNkosi eNkulu” iyabusa, lokuthi kayisoze akutshiye wedwa.
Hlakulela iNhliziyo yeNdumiso.
Qonda ukucabanga ngokudinga intokozo kubudlelwano bakho leNkosi, kulokuthi ubambelele kuzehlakalo zakho ekuzithokoziseni. Phatheka ngokuhlala usedunyisweni, udumisa usipha ukubonga lanxa (ikakhulu) uphakathi kwezilingo. Dinga ubukhona bukaNkulunkulu obunika amandla.
Cela uNkulunkulu akuphe amandla amakhulu ukuze unqobe izilingo oyabe ukhangelene lazo. Bubula eqinisweni lokuthi uNkulunkulu “ungamandla” akho lokuthi uzakuncedisa ‘unyathele ekuphakameni”.
Yabelana labanye ubufakazi bakho.
Nanzelela izindlela ongabelana ngazo udaba lwakho ekuthembela uNkulunkulu lokubona amandla akhe ngezikhathi zokukhangelana lobunzima. Ubufakazi bakho bungakhuthaza njalo bunike ithemba komunye umuntu odlula ezilingweni.
Khumbula, uhambo lokholo nxa usenzikini yenhlupheko akukholula, kodwa kungokuguqukayo. Ngosizo lukaNkulunkulu, ungakhetha ukuthokoza Kuye, lanxa “umkhiwa ubuna” lensimu ingela kudla.

^ back to top of page ^

USUKU LWETSHUMI LANTATHU
ISIHLOKO: “Ukuqinisela ekukholweni”
ISIFUNDO: UMAHEBHERU 11: 32-40
OKUMUNYETHWEYO
IBhayibhili liyasikhuthaza ukuthi siqinisele ekholweni lwethu, lanxa
sikhangelane lezilingo lobunzima. Amaqhawe okholo alotshiwe kumahebheru 11 kwakhelwe ukholo olulamandla, ngokukholelwa
kuzithembiso lobukhosi bukaNkulunkulu. Singasilandela isibonelo sabo, sime isibindi ekukholweni kwethu njalo sabelane labanye iVangeli ngamandla.
Izingwalo:
“Njalo nje ngaphandle kokholo kunzima ukuthokozisa
uNkulunkulu, ngoba loma ngubani oza kuye kumele akholwe ukuthi
yena ukhona njalo uyabusisa labo abamdinga ngeqiniso.” (maheberu
11:6)
“Bonke laba babukwa ngokholo lwabo, kukanti kakho ngitsho
loyedwa wabo owamukela lokhu okwakuthenjisiwe.”
“Ngokunjalo-ke, njengoba sigonjolozelwe liyezi elikhulu
labafakazi, asilahleni konke okusenqabelayo lesono esisifaka
ebunzimeni kalula nje. Besesiqinisela sigijime kulo umjaho
esiwulungiselweyo. (mahebheru 12:1)
“Mana isibindi ngokukhuthala. Nxa uNkulunkulu elathi, ngubani
ongamelana lathi?” kwabaseRoma 8:31)
Okokwenza
Nanzelela indawo ezifuna ukuqiniswa ekholweni lwakho
Thembela ebukhosini bukaNkulunkulu lanxa isimo singamanga
kuhle.
Yabelana labanye ngokholo lwakho ngeqhwala, ebambelele
emandleni kaNkulunkulu.
Zigombolozele ngohlalisana labo abaloncedo lokukukhuthaza
ngokuqinisela.

Ingani lesi isifundo lalezi incwadi zingakukhuthaza ukuthi ubambelele ngamandla ekholweni lwakho, thembela kuzithembiso zika Nkulunkulu lasebukhosini bakhe phambi kwezilingo.

^ back to top of page ^

USUKU LWETSHUMI LANE
ISIHLOKO: Ubukhona Lokuqiniseka kokubakhona ku ka Nkulunkulu
ISIFUNDO: Mahubo 23:4
“Loma ngihamba esigodini sethunzi lokufa, angiyi kwesaba okubi, ngoba ulami; intonga yakho lodondolo lwakho, kuyangithokozisa.”
Le ivesi eku Mahubo 23 iyisikhumbuzoe siqinileyo esobukhona
lokuvikela kuka Nkulunkulu, lasezikhatini zobumnyama.
Asivumbululeni okuhle okufihlakeleyo okuphakathi kwale ivesi.
Esigodini seThunzi loKufa
Umhlabeleli kalanhloni ngokweqiniso lokuthi ukuhlupheka lobunzima kukhona empilweni. Uyananzelela ukuthi kulezikhathi lapho okuyabe kumele sidlule ‘esigodini sethunzi lokufa.” Lesi sigodi simela ubunzima, izilingo, kumbe lokwethuselwa yisigaba sokufa esikhangelane lakho sonke. Yindawo yobumnyama, ukwesaba lokungahlaliseki.
Ungesabi ububi
Lanxa kunjalo, laphakathi kwesigodi sokufa, uyatsho umhlabeleli,
‘angiyi kwesaba okubi.” Lo ngumutsho oqinileyo owokholo. Akutsho
ukuthi umhlabeleli kayinanzeleli ingozi kumbe kezwa isisindo somumo. Kodwa, kutsho ukuthi ukholo lwakhe ku Nkulunkulu lukhulu kulokwesaba kwakhe isimo.
Ubukhona buka Nkulunkulu
Isizatho umhlabeleli engakhangelana lesigodi engela kwesaba kungenxa yokuthi uyakwazi ukuthi uNkulunkulu ulaye. “Ngoba ulami.” Le yikhiye yokunqoba ukwesaba lenkanuko. Nxa sesinanzelele ukuthi ubukhosi bukaNkulunkulu obuqinileyo, sibalaso isibindi sokukhangelana ngitsho lesigodi esimnyama.
Intonga lodondolo
Umhlabeleli uqhubekela phambili esithi “intonga lodondolo” kukaNkulnkulu kuyamduduza. Intonga yayiyisibonele sombuso
lokugcina kukamalusi, okwakusetshenziswa ukuvikela izimvu kunyamazana ezidla ezinye. Udondolo lwalungolokukhokhela lokuqhuba izimvu luzisusa engozini luzikhokhela ekuphepheni.
Le imifanekiso isikhumbuza ukuthi uNkulunkulu ungumalusi wethu
olungileyo, osalusayo, asibusise ngesikudingayo, abuye asivikele. “Intonga yakhe lodondolo lwakhe” kuzindlela asinakekela ngazo, kusipha isiqiniseko sokuthi sigcinakele ngitsho laphakathi kwesihotsha sempilo esimnyama.
Majaha lezintombi, nxa lizifica lihamba esigodini sethunzi lokufa, khumbulani amazwi omhlabeleli. Kholwani ebukhoneni bukaNkulunkulu, olani njalo ongasoze alitshiye. Bambelelani kuntonga lodonndolo Lwakhe olulobubelo, libelesiqiniseko sokuthi alesabi lutho olubi, ngoba iNkosi ingumalusi wenu.

^ back to top of page ^

USUKU LWETSHUMI LANHLANU
ISIHLUKO: Ukuvikeleka Okuza Ngokuhamba loJesu
ISIFUNDO: Marko 4; 35-41
Kulesiqephu esikomunye umhlabeleli webandleni leWisili eZimbabwe esihlabelelweni sesiShona (48) okhuluma ngokuthi nguJesu kuphela ohamba lathi kuzozonke indawo lapho esiya khona. Ngeqiniso nguye kuphela. Kungabangcono alale emqamelweni. Nxa elathi, sivikelekile okwedlulisileyo.
Kulesi siqephu, sibona ukholo lwabafundi lwaluhlolwa ngokunyikinywa yisiqhotho. Lanxa uJesu wayelabo, bafikelwa yikwesaba bazibuze ukuthi kambe uyanaka ngokuvikeleka kwabo. Kungenani, okwakukuhle yikuthi uJesu wayelabo emkhunjini. Ngabe kwenzeka ukuthi ngesikhathi sokunyikinywa uJesu wayengekho, ngeqiniso kwakuzakwenzakala ingozi enkulu. Siwapha udumo la amadoda ngokunanzelela ukuthi “Ingqunquthela yohambo’ yayilabo lanxa yayisilele.
Lokhu kuyisifundo sethu lathi. Impilo luhambo oludlula kuzigaba ezinzima ezitshiyeneyo. Impilo ayihambi lula ngoluhlu olulodwa. Imiqanso lokwehla kuyatholakala nxa siqala uhambo oluya ebuhleni. Zikhona zonke izehlakalo kulolu hambo oluya ebuhleni. Ngalokhu-ke, akumelanga langayiphi indlela sicabange ukuthatha loluhambo lwempilo kubengokuhlela kwethu lasezandleni zethu, loma kuyiphi indlela. Yekela uJesu ahambe lawe. Mekela acabange ukuzithulela, kodwa okuhle yikuthi ulathi emkhunjini.
Okwesibili, ukubalathi emkhunjini ngokunye kanti ukumupha indawo yakhe ngeyinye indaba. Ekuqaleni abafundi babezitshela ukuthi bangamelana laso isiphepho kwaze kwaba lapho isiphepho ngokwaso sesizibonakalisa ukuthi abangeke basimise. Amacebo abo, amaqhinga, imizamo, kwehlula basebesiba lokwesaba okukhulu. Ukuthula kwabo kwabuyiselwa ngemuva kokuthi sebephe uJesu indawo yakhe. UJesu uhlezi elathi, ngakhoke akumelanga siphile angani siyazi konke. Akumelanga sitshabalale yena ekhona emkhunjini wethu. Asimvuseni. UyiNkosi loMphelelisi wesiphetho sethu. Ungaphezu kwazo zonke izimo zempilo.

^ back to top of page ^

USUKU LWETSHUMI LESITHUPHA
ISIHLOKO: UNkulunkulu wethembekile
ISIFUNDO: ULUKA 8 V 40-56
Umama owayelomophelo wayekholwa ukuthi ngokuthinta umphetho wengubo zikaJesu wayezasila.Ukholo lwakhe lwaba lomvuzo. UJayirosi laye watshengisa ukholo olukhulu ngokuza kuJesu ekholwa ukuthi indodakazi yakhe izasiliswa.Isifundo lesi siyatshengisa ukuthi ukukholwa kulamandla lanxa kunzima.
Kumele sikhulise ukholo oluqinileyo olungeke lwanyikinyeka kuNkulunkulu, lanxa izimo zinzima. Sikhonza uNkulunkulu olozwelo. Owesifazana womophelo wayengolahliweyo ngenxa yomumo ayekuwo. Kodwa uJesu wamphatha ngokuhlonipha langozwelo, wathatha isikhathi ukuthi akhulume laye aqiniseke ngokholo lwakhe kulokuthi angabi lendaba laye ambone njengomuntu ongcolileyo.
UJayirosi indoda enkulukhulu ohloniphekayo umphathi wesinagogo laye wemukelwa ngu Jesu okwatshengisa uzwelo luka Jesu ebantwini bonke.
INGXOXO
UJesu usinxusela ukuthi sibelozwelo ebantwini abakhethwayo labalahliweyo lapho esihlala khona.
Xoxani ukuthi lingakwenza njani.

^ back to top of page ^

USUKU LWETSHUMI LESIKHOMBISA
ISIHLOKO: Ukholo olukhulayo
ISIFUNDO: UMATHEWU 13 V 1- 9
UMFANEKISO WOMHLANYELI
Kulesi isifundo, uJesu ukhuluma ngomfanekiso womhlanyeli owaphuma wayahlanyela.Inhlanyelo yakhe yawela endaweni ezine ezehlukeneyo – endleleni, edwaleni, emeveni lenhlabathini evundileyo.Inhlanyelo ewela endleleni idojwa zinyoni, kumele labo abezwa ilizwi kodwa bengaqedisisi.Inhliziyo zabo zomile lelizwi kalibi lempande kibo. Inhlanyelo ewela edwaleni iyaphangisa ukumila kodwa ibuye ibune ngokutshisa ngoba ingela mpande. Lokhu kumela abemukela ilizwi ngokuthokoza kodwa bakhubeka masinyane ngenxa yenkathazo loba ukuzingelwa.
Inhlanyelo ewela emeveni iminyaniswa ngokomhlaba lokukhohlisa kwenotho. Lokhu kumela abalizwayo ilizwi kodwa okomhlaba lokuphisekela inotho kuyaminyanisa ilizwi lingatheli izithelo.
Okokucina inhlanyelo ewela emhlabathini ovundileyo imela labo abalizwayo ilizwi, baliqedisise bathele izithelo abanye baveze ikhulu, omunye amatshumi ayisithupha lomunye amatshumi amathathu. Le yiyo impumela efunwa ngu Nkulunkulu—inhliziyo evumayo evumela ilizwi ukuthi ligxile lithele izithelo ezinengi.
Isifundo esiqakathekileyo yikuthi kumele silungiselele inhliziyo ukuthi zamukele ilizwi lika Nkulunkulu, silahle imigoqo engakhama ilizwi, kodwa sivume ukuthi impande zigxile ukuze impilo zethu ziguquke kube lezithelo ezingapheliyo.
Asibeni ngumhlabathi ovundileyo ozathela izithelo.
UMTHANDAZO
Nkosi Jesu sisize sibe yinhlabathi evundileyo eyamukela ilizwi lakho. Amen

^ back to top of page ^

USUKU LWETSHUMI LASITSHIYAGALOMBILI
ISIHLOKO: Ukunqoba ubunzima
ISIFUNDO: IMISEBENZI 17 V 1- 10
1 Ukuqakatheka kokucabanga usebenzisa imibhalo
Emhlabeni ogcwele imfundiso ezehlukeneyo lenkolelo ezehlukeneyo,
ukutshengisa ukunanzelela lokuchaza lokumela ivangeli kungasidida.
Lokhu kutshengisa ukuqakatheka kolwazi olujulileyo ngevangeli
lokwenelisa ukuphendula imibuzo yabantu.

2 Ukumelana levangeli
Ivangeli lihlala liphikwa yilabo ababengalifuni njalo lalamhlanje kunjalo. AmaKhristu amanengi ayazingelwa, aphikiswe loba abotshwe ngenxa yokholo lwabo. Ukufunda izindlela zokuphendula ngokuhlakanipha kuqakathekile.
3 Ukumelana labaphikisayo
Umzekeliso kaPhawuli loSayilasi utshengisa ukuqiniseka gomsebenzi
we vangeli phakathi kokuzingelwa uba yisibonelo esihle wabakholwayo lamhlanje.

Ukukhuthaza ukuzimisela, ukukholwa kuNkulunkulu lo kubekezela
kuqakathekile emsebenzini wevangeli.
Lokhu kumele kunanzelelwe kakhulu ngensuku zalamuhla, ngoba
kusifundisa ukuthi sihlale sithembekile sitshumayela ivangeli lanxa
bekhona abaphikisayo.

USUKU LWETSHUMI LESITSHIYAGALOLUNYE
ISIHLOKO: Ukulalela unkulunkulu
ISIFUNDO: UJOHANE 10 V 27
Izimvu zami ziyalizwa elami ilizwi, lami ngiyazazi, ziyangilandela Indaba yokulalela uNkulunkulu ihlezi iphindiwe njalo iqakathekile eBhayibhilini. Iqakathekisa ukulalela nxa uNkulunkulu ekhuluma
ulandela iziqondiso. Indikimba le ikhona kuntshumayelo lakumibhalo iveza ukuqakatheka kokulalela ilizwi likaNkulunkulu lobubi bokungalaleli.
UKUQAKATHEKA KWELIZWI
Lanxa intshumayelo iqakathekile ekukhuliseni lekuholeni, iLizwi likaNkulunkulu liyasuthisa njalo lenza ulambele ukusuthisa umphefumulo. Intshumayelo yangesonto igcwalisa ukufunda ilizwi.. UKULALELA ILIZWI LIKANKULUNKULU
UNkulunkulu ukhuluma lathi ngendlela ezehlukeneyo okungaba yikumkhonza, ivangeli Kanye lentshumayelo. ukuphatheka ngalezi izinto kwenza unanzelele uzwisise ilizwi likaNkulunkulu ube lobudlelwano obujulileyo laye.
IZIBONELO ZOKULALELA
Isibonelo sikaKhristu elalela uYise singumzekeliso wokuqakatheka ukulalela uNkulunkulu. Ukulalela lokuqaphelisa intando kwenza izoni ziphenduke kutshengise sobala ukuqakatheka kokulalela uNkulunkulu.
UKUQEDISISA LOKWENZA
AmaJuda atshengisa ukuqedisisa ngokudinga ukulalela uNkulunkulu kuphela., benanzelela ukuthi , ilizwi likaNkulunkulu yilo elisetshenziswa ukukhangela ubuqotho bezintshumayelo. lokhu kutshengisa ukuqakatheka kokuqedisisa ilizwi likaNkulunkulu phakathi kwezifundo ezikhona.
INGXOXO
1 Xoxani liveza izindlela uNkulunkulu ayekhuluma ngazo labantu bakhe eBhayibhilini. Nika izizatho.
2 Ibandla lakho liyaphatheka yini ngezindlela zokukhulumisana lezi: ukudumisa ,imibhalo Kanye Kanye lemfundiso ephuma phakathi kwentshumayelo?

^ back to top of page ^

USUKU LAMATSHUMI AMABILI
ISIHLOKO: Ukumela iqiniso
ISIFUNDO: UEKSODUSI 2 V 1—15
ISINGENISO
Kulesi isihloko sizakhangela impilo ka Mose sithole izifundo ezitshengisa ukuba lesibindi lokumela ubungcwele.
Lamuhla sizakhangela indaba esegwalweni luka Eksodusi— impilo kaMose. Sizaqakathekisa ukumela iqiniso lanxa kunzima. Sizakhangela u Eksodusi 2 v 1 — 15. Phakathi komhlaba oqakathekisa ukuhlala kuhle ukwedlula ukwethembeka, kumele sikhumbuzane ngobizo lwethu njengamakholwa ukuthi sime ebungcweleni.Impilo ka Mose isipha izibonelo zomuntu owayelamaphutha akhe kodwa wakhetha ukumela iqiniso.

1 Isikhathi sokucindezelwa
Ukuze sinanzelele ukuqakatheka kwezenzo zikaMose kumele sihlolisise isikhathi azalwa ngaso. AmaIsrayeli ayephila ehlukunyezwa eGibhithe. UFaro wayemise ukuthi abantwana bonke abangabafana amaHebheru babulawe ngoba esesaba ukwanda kwesizwe sika Israyeli. (Eksodusi 1 v22) Lo ngumhlaba u Mose azalelwa kuwo umhlaba olokwesaba, ongameli iqiniso njalo ohlukumeza abayanga.

2 Isibindi sikamama
Ngesikhathi esinzima sibona isibonelo sokumela iqiniso umama kaMose wala ukuvumelana lesimemezelo esibi esika Faro.
KuEKsodusi2 v 2 —3 ithi, “Owesifazana wathatha isisu, wazala
indodana, esebonile ukuthi ngumntwana omuhle, wayifihla inyanga ezintathu. Kwathi engasela kuyifihla wayenzela isitsha semizi, wasibhada ngengcino langodaka wamfaka umntwana kuso, wasibeka emihlangeni ngasokhunjini lomfula. Lokhu kwaba yikudelela okukhulu.Unina ka Mose wayelakho ukuthi ajeziswe kakhulu loba ukubulawa ngenxa yezenzo zakhe. Kodwa wakhetha ukuvikela umntanakhe, ethembele lokukhangelwa nguNkulunkulu.
Umzekeliso : cabangisisa ngesinqumo lesi esenziwa ngu nina. Umcabange eseluka isitsha, esininda ngodaka, kukho konke ekhulekela ukugcinwa komntanakhe. Isenzo sakhe siyasikhumbuza ngabanye abantu abenza konke okusemandleni abo ukuthi bavikele labo abangela cala. Kulabantu abanjengo Corrie ten Boom, owafihla amaJuda ngesikhathi bezingelwa, Kanye lalaba abalwisana lokuthengiswa kwabantu.
3 Ukupha kukaNkulunkulu ezindaweni ezinganazelelwanga
Indaba iyaguquka nxa umntaFaro esefumana isitsha ahle afune ukuthi uMose abe ngumntanakhe. Lapha sibona ukusebenza kwesandla sikaNkulunkulu, esebenzisa abacindezeli ukuthi baphilise labo ayebakhethile ukuthi bahole abantu bakhe baye ekukhululweni. Lokhu kuyasikhumbuza ukuthi uNkulunkulu angasebenzisa noma ngubani, loba labo esithi yizitha, ukuthi afeze injongo yakhe.

INGXOXO
1 Kuyenzakala na ukuthi amaKhristu amele iqiniso ngensuku zalamuhla?
2 Ukuxoxisana kwalabo abamele amalungelo abantu kwenza ibandla lehlukane. Ibandla ungalicebisa njani ngodaba lwezitabane?

^ back to top of page ^

USUKU LWAMATSHUMI AMABILI LANYE
ISIHLOKO: UNkulunkulu lithemba lethu.
ISIFUNDO: Izenzo 9:32-42
ISINGENISO
Namuhla, sizahlola iqiniso elilamandla eliqinise amakholwa kuyo yonke iminyaka: UNkulunkulu ulithemba lethu. Sizobe sibheka uZenzo 9:32-42, isiqephu esilandisa ngezimangaliso ezimbili zebandla lokuqala ngomphostoli uPetru. Lezi izindaba zisikhumbuza ithemba esilalo kuNkulunkulu wethu ophilayo, ithemba elingaguqula impilo zethu
i. Izenzo 9:32-42
Ngaphambi kokuthi singene esiqendwini sethu, ake sicabangisise isizatho salolugwalo. Incwadi kaZenzo, eyabhalwa nguLuka, ilandisa ngezinsuku zokuqala zebandla lobuKristu ngemva kokwenyuka kukaJesu. Ngalesi isikhathi endabeni, ivangeli seliqalile ukusabalala ngale kweJerusalema, futhi sithola uPetru ehamba evakatshela amakholwa emadolobheni ahlukahlukene. Lezi zenzakalo zenzeka ngesikhathi kokubili injabulo lokutshutshiswa ebandleni lokuqala. Abalandeli bakaJesu babekhula ngenani, kodwa futhi bahlangana lokuphikiswa yiziphathimandla zenkolo lokungabaza okuvela emphakathini kabanzi. Kulo mango, izimangaliso esizozihlola azicinanga ngokuletha ukukhululwa lokuphila kodwa futhi lokuqinisekisa umlayezo wevangeli kanye lokukhuthaza ithemba kuNkulunkulu ophilayo.
ii. Ukusiliswa kuka-Eneya (Izenzo 9:32-35)
Cabanga ngalesi isimo: UPetru, ngomunye wabakhokheli baleli qembu elitsha, ungena ekhokhela. Uhlangana lo-Aeneas, indoda osekuyiminyaka eyisitshiyagalombili ikhubazekile. Asitshelwa ukuthi u- Aeneas wayekholwa, kodwa isimo sakhe saziwa kakhulu emphakathini.
Phawula izici ezimbalwa eziqakathekileyo zokukhululwa okuyisimangaliso:
a) Umthombo wokukhululwa: UPetru kaziniki noma yiwaphi amandla.
Utsho ngokucacileyo ukuthi nguJesu Kristu osilisayo
b) Ukuphangisa: ukusiliswa akuzange kwenzeke kancane kancane; kwaba ngokuphazima kweso. Ngemva kweminyaka eyisitshiyagalombili yokukhubazeka, u-Aeneas wasukuma ngokuphangisa.
c) Ukuphelela: U-Aeneas wayengekho ngcono kancane. Wenelisa ukusukuma wagoqa icansi lakhe, okutshengisa ukubuyiselwa okupheleleyo.
iii. Isisinda salulogwalo
Lesi isimangaliso saba lomthelela omkhulu. Kwakungayisikho ukusiliswa komuntu oyedwa; kwaholela ekuthini umphakathi uphendukele eNkosini. Ithemba uNkulunkulu alinikeza ngalesi
simangaliso lalinamandla kangangokuthi lavuselela ukholo.
iv. Ukuvuswa kukaThabitha (Izenzo 9:36-42)
UThabitha wayesaziwa ngemisebenzi yakhe emihle langezenzo zokupha. Ukugula lokufa kwakhe kwayethusa.
Izifundo
Futhi, sibona izici ezimbalwa eziqakathekileyo:
a) Umkhuleko – ngaphambi kwanoma yini enye uPetru athandazayo.
Uyaqaphela ukuthi amandla avela kuNkulunkulu awaveli kuye.
b) Ukholo- Umyalo kaPetru kuThabitha ubonisa ukholo lwakhe emandleni kaNkulunkulu phezu kokufa uqobo.
c) Uzwelo- Izenzo zikaPetru zitshengisa ububele obujulileyo, kuThabitha kanye lakumphakathi ososizini.
d) Umthelela emphakathini – abantu abanengi bakholwa eNkosini.
Isicelo
Laloba sikhangelane lezimo ezikhangeleka sesiziyisiphetho lezingelathemba njengokufa uqobo, isibonelo. Ubudlelwano obephukileyo, amaphupho alahlekileyo kanye lobunzima obubonakala
kungelakunqotshwa, kodwa lezi zimangaliso ezimbili zitshengisa ngamandla ukuthi kungani uNkulunkulu elithemba lethu:
KuNkulunkulu, kulethemba ngaso sonke isikhathi.
UNkulunkulu ulamandla phezu kokulinganiselwa ngokomzimba.
Amandla kaNkulunkulu phezu kokufa.
Ukunakekela kwakhe abantu ngabanye.
Isifiso sakhe senguquko emphakathini.
Angasebenzisa amathuluzi abantu.
Ukuzidla
1 Zingabe zikhona izindawo “ezifileyo” ekuphileni kwakho okudingeka unxuse uNkulunkulu ukuba azivuse?
Umcijo wokuthandaza:
Nkosi Jesu, sisize sibe lethemba lasezimeni ezingenathemba. Amen.

^ back to top of page ^

USUKU LWAMATSHUMI AMABILI LAMBILI
ISIHLOKO: Ukuxhumana LoNkulunkulu Ngokupha
ISIFUNDO: 2 AbaseKorinte 9:7
Ukuxhumana loNkulunkulu ngokupha kuyindlela enhle yokuhlakulela imizwa wokuxhumana okungokomoya lokuphana. Lapho sipha, asicini nje ngokunika isipho; sivula izinhliziyo zethu ukuze samukele kuye. KuLuka 6:38 uJesu usifundisa ukuthi ukupha lokwamukela kuxhumene kakhulu. Ngakho-ke singatsho ngokuphepha ukuthi ukupha kuyindaba yomoya futhi, yindaba yobudlelwano loNkulunkulu. Ukuze sizinikele ngempela kubunikazi bukaNkulunkulu bempahla yethu, kufanele sihlole ngokucophelela okungaba ubufakazi obuqand’ ikhanda bobuphathi bethu; ingxenye esiyiphayo. Njengoba nje sinquma ukuthi sisebenzisa malini kokuthile noma ukuthi sizafaka malini e-akhawuntini yokulondoloza noma yomhlalaphansi, kumele futhi sinqume ukuthi sizakhipha malini. Lokunganiki lutho kuyisinqumo. Abaphathi balesibopho esinqumeni ngasinye sokujabulisa umnikazi.
Abaningi bakhangela umthwalo wemfanelo wokupha njengomthwalo. Yeka ukuthi kudabukisa kanjani lokho ngenxa yesikhumbuzo sikaPawulu sokuthi uNkulunkulu uyamthanda umuphi onamileyo. Ukupha kuyisinqumo sobudlelwano. Lapho senza izinqumo, siqinisekisa ngempela isivumelwano sethu loNkulunkulu mayelana lobuphathi. Njengoba sinquma njalo ukunikela, sihlala siqinisekisa ukuthi sibazisa kangakanani ubuhlobo bethu loNkulunkulu njengabantwana bakhe. Futhi njengabaphathi bakaNkulunkulu, ukwenza izinqumo kumele sihlolisise ukuthi ufuna seyabe njani imali Yakhe.
Inzuzo emangalisayo yokupha njengabaphathi yikuthi kusikhulula emthwalweni wangempela wezidingo zethu zezezimali. Njengoba sifunda ukuthembela kuNkulunkulu ngokupha, singaphila ngokuzethemba kulokho okusele ngoba siyazi ukuthi uNkulunkulu uyakunakekela lokho. Ukupha kuyinto ekhululayo njengoba kusixhumanisa eduze kakhulu loNkulunkulu ngobudlelwane. Impumela yikuthi labo abanikela njengabaphathi baba lemizwa wokusondelana loNkulunkulu okulangazelelwa yibo bonke abalandeli bakaKristu. Ukupha kuba yikukhonza. Ukupha kuba yindlela yokubonga kuNkulunkulu ngomusa wakhe kanye langesithembiso sakhe. Ukupha kuba yingxenye ejulileyo yokuxhumana loNkulunkulu.Ukupha kuyisenzo sokukhulekela. Lapho sinikela ngesikhathi, esilakho kanye leziphiwo zethu, asicini ngokusiza abanye kodwa futhi sidumisa uNkulunkulu. Ukupha kuyisenzo sokukhulekela njengoba sivuma ukuthi konke, esilakho kuyisipho esivela kuNkulunkulu lokuthi singabaphathi balezo zinto esibusiswe ngazo. Kungakho sikhuthazwa ukuthi lapho
sinikela, kumele uNkulunkulu uthanda umuphi onamileyo (2 Korinte 9:7).
ISIFUNDO: Makho 4:3-9
Abanengi bethu siyawazi umfanekiso lowu. Kodwa ngabe useze wakuzwa ngokombono womuntu ophuma ukuyahlanyela inhlanyelo yakhe, ayihlanyele ngendlela eyenza kubonakale sengathi kakwazi ukuthi kwenzakalani? Ubonakala engahlelekanga endleleni yakhe. Inguquko leyi yanamuhla, hatshi ukuthi ngimelene lokukhula, ukusebenza kanzima noma ugqozi olukhuthazayo, HATSHI, kodwa ukuzama ukususa ingqondo yomlimi ohlakaniphileyo kithi. Umlimi ohlakaniphileyo uthembele ekwazini kwakhe. Ngemuva, ngike ngabona ukuthi konke uNkulunkulu asibizele ukuba sikwenze yikuphila ngeVangeli, indaba ezinhle zikaJesu, sigxile ekwethembekeni kwethu kulelobizo futhi sitshiyele imiphumela kuye. Lowu ngomunye wemicijo uJesu ayewagcizelela emfanekisweni wakhe woMhlanyeli. Ukuze sithele izithelo, kumele sibe ngabalaleli abaqotho, abakhonzi abathembekileyo bevangeli. Nanzela ukuthi umzekeliso ufakwe njani. UJesu wenza njalo ukuze asize abantu bakhe bazizwise ukuthi lapho abacela ukuba balalele, ukhuluma ngokungaphezu kokuzwa ngokoqobo; ukhuluma ngokusebenza kwempilo. Ukhuluma ngokuphila ilizwi. Ukhuluma ngokungameli umlayo oqakatheke kangaka ukuba ungene endlebeni eyodwa uphume kwenye.
Umlimi ohlakaniphileyo ngoqaphela lapho ahlanyela khona imbewu yakhe. Umlimi ohlakaniphile ngeke ahlanyele imbewu yakhe emhlabathini ongafanelanga k. Yebo, umlimi ohlakaniphileyo angazwisisa ukuthi konke ukuhlanyela kuholela ukulahlekelwa okuthile. Akuyona yonke inhlanyelo ethela izithelo. Kodwa umlimi ohlakaniphileyo uyakhangelisisa ukuthi kahlanyeli inhlanyelo yakhe ezindaweni ezingathembisi ithuba lokuvuna. Ubengeke ahlakaze inzalo yakhe; wayezobe ehlanyela ngobuchule. Lo mlimi kayisuye umlimi okhaliphileyo; uyisiwula, ngoba akenzi lutho ngaphandle kokuphosa inzalo yakhe emoyeni. Futhi khangela ukuthi kwenzekalani. Enye iwela endleleni, lapho izinyoni zitshaya khona ziyiqede. Enye iwela ezindaweni ezilamatshe ezilomhlabathi omncane. Imila kulezo zindawo ezilamatshe, kodwa lapho ilanga liphuma, izivuno futhi zibune ngenxa yokuthi azilazimpande. Enye inhlanyelo iwela phakathi kwameva, futhi njengoba ameva ekhula aminyanisa izilimo ezimila lazo ukuze izilimo zingatheli.
Uyabona, kwakungayisuye umlimi owavuna isivuno. Akekho umlimi ovuna isivuno, ngitsho labalimi abahlakaniphe kakhulu. KwakunguNkulunkulu owabobotheka mgobuwula bomlimi futhi wakhipha into obungeke uyicabange entweni okwakufanele ikhiqize okunengi.
Uyawubona umcijo womfanekiso? UNkulunkulu ulindele kuphela ukuthi sihlanyele inhlanyelo yeVangeli. UNkulunkulu kalindelanga ukuba sizame ukuthola ukuthi inhlabathi enhle ingaphi. Akekho kithi owenelisayo. Lokho okubonakala kithi kungumhlabathi omuhle ngokuvame ukuphenduka kuqinile, kube lamatshe njalo kube lameva, lapho lokho okubonakala kuyikufa okungelathemba okuba khona okuvundileyo lokunothileyo. Hatshi, uNkulunkulu ulindele kuphela ukuba siphose inhlanyelo simethembe ngempumela.
Asidlalanga yini njengabalimi abahlakaniphileyo esivinini sikaNkulunkulu? Ngabe asenzanga konke kube ngathi? Namuhla ngifuna ukuthi sigweme okwethu ukuhlakanipha obuyibuwula emehlweni kaSomandla futhi samukele ukuhlakanipha bakhe obuwubuwula emehlweni ethu. UPawuli uthi isigijimi sesiphambano siyibuwula kwababhubhayo kodwa kwabasindiswayo siyisipho sokuphila okuphakade. Sengathi ungathola ukuphila lamuhla ngenzalo yakho, sengathi ungaphosa inzalo yakho futhi uthembele kuNkulunkulu.
Ingxoxo yosuku
Yiziphi izindlela esenze ngazo njengabalimi abakhaliphile?
Singakunqoba kanjani?

^ back to top of page ^

USUKU LWAMATSHUMI LANTATHU
ISIHLOKO: Ukuhaza inhlanyelo- Ukwethemba uNkulunkulu
ISIFUNDO: UMARKO 4: 3- 9
Abanengi bethu siyijwayele indaba leyi. Kodwa sewake wayizwa ngombono wendoda ehamba ukuyahlanyela, ehlanyela ngendlela etshengisela ukuba akalalwazi lalokhu akwenzayo? Ukhangeleka angani uyaxhamanda ekwenzeni kwakhe. Ibekwa njalo kulezinsuku hatshi ukuba ngiphikisana lokukhula, ukusebenza gadalala kumbe inkuthazo, hatshi, kodwa ngizama ukususa indaba yomlimi ongani akalancedo. Umlimi opheleleyo usebenzisa lokhu akufundayo. Engikufundileyo ngezikhathi ezidlulileyo yikuthi yikuthi uNkulunkulu asibizela khona yikuthi siphilele ivangeli, indaba ezinhle zikaJesu Kristu, sikhangele ekwethembekeni kwethu kubizo lwethu kanye lokutshiya izithelo Kuye. Yiyo imicijo uJesus ayeyigcizelela emfanekisweni womhlanyeli, nanzelela ukuba lowomfanekiso ugonjolozelwe kanjani ngumlayo wokulalela. UJesu ukwenza lokhu ukusiza abalaleli ukuqedisisa ukuthi uma ebacela ukulalela, ukhuluma kakhulu ngokuzwa okungaphezu kokuzwa esikwejwayeleyo, ukhuluma ngokwempilo ebambekayo. Ukhuluma ngokuphila ilizwi. Ukhuluma ngokungayekethisi umbiko onje oqakathekileyo ukuba ungene ngendlebe eyodwa uphume ngeyinye.
Umlimi ohlakanipheleyo uzananzelela ukuba uhlanyela ngaphi inhlanyelo yakhe. Umlimi ohlakaniphileyo ngeke ahlanyele inhlanyelo yakhe emhlabathini ongavundanga. Yebo, umhlanyeli hlakaniphileyo uzaqedisisa ukuba konke ukuhlanyela kugoqela ukulahlekelwa, lokhu ngeke ukubalekele. Kasiyo yonke inhlanyelo engafika ekuvuneni. Kodwa umlimi ohlakaniphileyo uzakwazi ukuthi akahlanyeli inhlanyelo yakhe ezindaweni ezingathembisi isivuno. Ngeke ahaze inhlanyelo yakhe mahlayana kodwa kodwa uzayihlanyela ngonanzelelo. Umhlanyeli onjalo kasomhlanyeli ohlakaniphileyo kodwa oyisiwula, ngoba kenzi okunye kuphela ukujikela inhlanyelo yakhe emoyeni. Khangela ke okwenzakalayo, eyinye iwela endleleni lapho inyoni eziyidobha khona. Eyinye iwela ematsheni lapho okulomhlabathi omlutshwana. Iyakhula emadwaleni kodwa uma ilanga liphuma iyatsha ibune ngoba ingelampande. Ezinye ziwela emeveni, ameva ekukhuleni kwawo ayayivimbezela ekucineni ibisingasatheli zithelo.
Uyananzelela, bekungasomlimi onikezeisivuno. Akulamlimi onikeza isivuno, loba engabe eqeqeshe kangakanani. NguNkulunkulu ohlekelele umlimi ebuthutheni bakhe wamnikeza isivunio esimangalisayo kulokhu obekungakhupha inani elinlutshwana.
Uyawubona umcijo walomfanekiso na? UNkulunkulu ukhangelele ukuba sihlanyele inhlanyelo yeVangeli hatshi ukiba sibe sicabanga ukuthi umhlabathi olungileyo sizawufumana kanjani. Kasizanga sazenza abalimi abahlakaniphileyo na esivandeni sikaNkulunkulu? Kasenzanga ukuba konke kubizwe ngathi na? Namhlanje ngikunikeza ingqobe ukuba sibeke eceleni inhlakanipho yethu eyibuwula emehlweni ethu, UPhawule uthi ilizwi lesiphambano liyibuwula kulabo ababhubhayo kodwa kulabo abasindiswayo liyisipho sempilo engapheliyo. Sengathi ungathola impilo namuhla ngenhlanyelo yakho, haza inhlanyelo yakho ubusuthemba kuNkulunkulu

^ back to top of page ^

USUKU LWAMATSHUMI AMABILI LANE
ISIHLOKO: Ukukhulisa Inhlanyelo YoMbuso KaNkulunkulu Enhliziyweni Yakho
ISIFUNDO: Izaga 3:5-6
Kulotshintsho olwenzeka emandleni akho okubona, ukuzwa, okulandela uNkulunkulu lapho uzimisele ukubeka eceleni umqondo wakho futhi wethemba ukuthi uNkulunkulu ulendlela engcono. Lokhu yikuphenduka kweqiniso, lokhu yikuba lotshintsho lweqiniso lwenhliziyo. Kulezindlela uNkulunkulu asibekele zona ukuthi sizilandele futhi kulezindlela futhi sicabange ukuthi yizo ezingcono kakhulu kodwa hatshi (Izaga 12:15). Lapho sikhuluma ngokupha, silabanye bethu abaye bamukela izindlela zabo futhi baziqinisekisa ukuthi zilungile. Ngokwesibonelo, abanye sebengathi banikela okwetshumi kwabo ekhaya lezintandane noma kwenye into ababona kufanele, kodwa, ‘Ingabe kuyindlela uJehova afuna kwenziwe ngayo?’ IBhayibheli lisiqondisa kahle kangaka mayelana lendlela uNkulunkulu afuna sikhiphe ngayo? Dut 12:11,17; Dut 14:23-24). Ngitsho lezikhonzi azikhululwa kulowo mthetho kaNkulunkulu; balelungelo lokukhipha okweshumi (Numeri 18:28). Sonke silomlandu kuNkulunkulu. Ngakho-ke, kasiyekeleni ukucabanga kokwethu ukuqonda futhi sethembe uNkulunkulu ezwini lakhe. Abanye ngabakhipha okwetshumi ngezikhathi ezithile zomnyaka abenza njalo lapho izinto zibonakala zizinzile ekuphileni kwabo futhi belezibopho ezincane zomuntu. Cabanga lokho uNkulunkulu akutshoyo lapho sicabanga ngokusebenzisa okwetshumi kuleyonyanga. Kufanele silethe lapho sesihlalile, futhi silethe lenzalo (Lev 27:32). Sengeza okwesihlanu phezulu. Sikhipha okwetshumi kukho konke uNkulunkulu asibusisa ngemali (Dut 14:23). Nxa izindlela zethu zimthokozisa uNkulunkulu, wenza lezitha zethu zibe lokuthula (Izaga 16:7). Eminye iminyama esihlangana layo empilweni zethu awadingi umkhuleko kodwa ukulungiswa nje kwezindlela zethu futhi zihambisane lentando kaNkulunkulu.
“Ukungazenzeli ngokwakho ukuqedisisa” kayisiso isimemo sokuphila ngokungazi okholweni oluyimpumputhe, kungumlayo ocacileyo wokuthola indlela uNkulunkulu acabanga ngayo ngendaba futhi usebenzise ingqondo Yakhe ekuphileni kwakho kungelani ukuthi kungakanani ofuna ukukwenza ngokwakho. Sibona abangelalwazi ngezindlela Zakhe; silelizwi lakhe elisitshela ukuthi yini ayilindeleyo lokuthi ucabanga kanjani ngakho konke. Sisesikhathini sokuhlanyela;
ukuhlanyela inhlanyelo. Uthini uNkulunkulu kuwe? Abanengi abavuni ngoba bengakwazi kodwa ngenxa nje yokuthi abasinaki isikhathi sokuhlanyela; bakhangela amayezi, bazame ukuqonda isimo sezulu kuze kudlule isikhathi (Umtshumayeli 11:4)
Nxa ufuna ukubona izithelo lempumelelo emikhakheni ethile yokuphila, kungaba yibudlelwano, kwezezimali, impilo, kanye lenjongo, thola ukuthi uNkulunkulu uthini ngalezo zindawo ubusukhetha ukuphila lokwenza izinqumo ezihambisana lentando yakhe kuleyakho. Zibophele eZwini Lakhe lasezindleleni zakhe ngaphezu kwezifiso zakho.
Njengoba uhlanyela futhi ukhulisa intando lokuhlakanipha kwakhe enhliziyweni yakho, ngaphezu kwemizwa yakho kanye lengqondo, umbuso wakhe uzobonakala empilweni yakho. Umbuso wakhe uzathela izithelo eziphezulu noma yini ongayenza yenzeke ngokwakho. Umbuso wakhe ukuwe. Kungokomoya. Umbuso wakhe kuwe uyinsimu engelamkhawulo yezithelo lamandla alindele ukulinywa. Ungayikhulisa ngokuqondisa inhliziyo yakho, imizwa, imicabango, lokukhetha kwakho lentando Yakhe ngaphezu kokuqonda kwakho, futhi izindlela zakho zizaqondana. Uzasibona isibusiso sikaJehova!

^ back to top of page ^

USUKU LAMATSHUMI AMABILI LANHLANU
ISIHLOKO: Amandla Enhlanyelo
ISIFUNDO: Genesise 1:11-12; 8:18-21
UNkulunkulu wasungula izimiso zokuhlanyela lokuvuna emhlabeni. Wabeka amandla kuyo yonke inhlanyelo ukuze avune isivuno kufanele siziphindaphinde futhi sande kakhulu.
Kusukela embhalweni kuyacaca ukuthi yonke into iqala njengenhlanyelo. Ingqondo uyinhlanyelo okuthi nxa isetshenziswa iveze izithelo. Ngokwezwi likaNkulunkulu, inhlanyelo izathola ngemihlobo yayo. Kunani ukuthi siyakuqaphela noma hatshi, imali yethu iyinhlanyelo futhi izaveza isivuno nxa ihlanyelwe emhlabathini omuhle. Ukuhlanyela emhlabathini omuhle kutsho ukuthi sihlwanyela ngokukholwa, sinikela kwabasweleyo, sinikela evangelini elizoveza isivuno semiphefumulo. Khumbula lokhu njengomntwana kaNkulunkulu, ukuthi lo nguMthetho kaNkulunkulu. UNkulunkulu ubeke amandla anda enzalweni. Inhlanyelo izahlala ikhiqiza ngokwezinhlobo zayo. KwabaseGalathiya 6:8 uthi, “Ohlanyelela enyameni yakhe uyakuvuna ukonakala enyameni, kodwa ohlanyelela kuMoya uyakuvuna ukuphila okuphakade kuMoya. Lapho
uhlanyela embusweni kaNkulunkulu, ukupha kwakho ngeke nje kubangele ukuba inotho yakho ibekwe ezulwini, kodwa futhi kuyokhiqiza umfudlana wemali engenayo, emhlabeni, okuyophumela
ekuzaleni okwengeziwe futhi umusa lokuvuleleka iminyango.
Esinye isimiso esisifunda kuNowa kuGenesise 8:20-21 ukuthi inzalo oyinika uNkulunkulu ilamandla okuguqula izinhloso ezimbi. Wayevalwe emkhunjini iminyaka eminengi ngakho uyabona ukuthi kuye, imuli yakhe lakho konke ayelakho uyaqhubeka ehlala lapho okumele baye kulo ukuze kuqhubeke lokho kuqina. Lawamandla asesandleni sakho njengamanje. Amandla okubuyisela emuva iziqalekiso ezihlanyelwe emulini yakho, ebantwaneni bakho. Akusiyo imfihlo ukuthi kukhona okubi okwenziwa yisitha kubantwana bokukhanya kuphinde kwenziwe ngabanye abemuli abangakujabuleliyo ukukubona uphumelela. Lapho uNowa esehla emkhunjini, into yokuqala ayenzayo yikwakha i-altaya ukuze anikeze inzalo kuNkulunkulu owasabela ngokuhlehlisa umcabango ayelawo ngesintu (Genesise 8:20-21). Konke okudingayo kusukela manje kusesandleni sakho kusesimweni. Kuyini olakho esandleni sakho?
Ungadli inhlanyelo yakho. Kuhlanyele emhlabathini omuhle futhi ukhangele ukuthi uthela izithelo ezinhle. Omunye uthi ‘okwami kuncane kakhulu’. Amandla emhlanyelo awakho ngobukhulu bayo kodwa emandleni ayo yikukhula, ukwanda lokuthela izithelo. Kwangathi singazamukela izifundo zomoya zenhlanyelo futhi sithembele emandleni kaNkulunkulu okuletha ukukhula lokuchichima ezimpilweni zethu.

^ back to top of page ^

USUKU LWAMATSHUMI AMABILI LASITHUPHA
ISIHLOKO: Ungadeli inhlanyelo yakho
ISIFUNDO: GALATHIYA 6:9
Namuhla sicabanga ngabantu abahlanyele inhlanyelo yabo yemali emhlabathini wamaBandla abo lokunye okunengi okuhle. Noma mhlawumbe bahlanyele uthando, umusa, ukuthethelela, lokubekezela ebuhlotsheni babo, futhi manje balindele ukubuya noma isivuno kulokho abakuhlanyelileyo.
Mhlawumbe ubulokhu uthembele kuNkulunkulu ngesifiso senhliziyo yakho ukuthi siqhamuke empilweni yakho, kodwa uke wakhathazeka ngesikhathi sokulinda phakathi kwenhlanyelo ehlanyeliweyo lokuvuna okuvuniweyo. Ngifuna ukukukhuthaza ukuthi ungayekeli ngaphambi kokuthi uthole lokho obukade ukulindele. Ungaqiniseka ukuthi nxa ungeke uphele amandla, uNkulunkulu ngeke ehluleke ukukwenzela izwi lakhe. Eqinisweni, eyabaseGalathiya 6:9 iyathembisa: “Futhi kasingakhathali ekwenzeni okuhle, ngokuba siyakuvuna ngesikhathi esifaneleyo, nxa singadangali.” Ngifuna ukukhuluma lawe mayelana ngokungalibali ngesikhathi ulindele ukuthi inhlanyelo yakho ikhule futhi isivuno sakho sivunwe. Okokuqala, ngizakutshela indaba kusukela ebuntwaneni bami. Lapho ngiseyintombazanyana, nganquma ukuhlanyela umumbu, ngakho ngalinganisa ngokuchophelela imigqa engasemuva kwengobo kamama, ngalungisa inhlabathi, ngabe sengihlanyela inhlanyelo ngokuchophelela. Yekela ukuthi kwakuyingadi enhle kangakanani, futhi ngangiziqhenya ngayo. Nsuku zonke ngaphambi kwesikolo, ngangigijimela kuleso siqetshana ukuze ngibone ukuthi akukho yini eyayibhobozile inhlabathi ebusuku. Lapho ngifika ekhaya ngivela esikolo, ngangigijima ngibuyele kuleyongadi ukuze ngibone ukuthi akukho yini okwakubonakala ngesikhathi ngingekho. Ngaphambi kokuba ngilale ebusuku, ngangibuya ngiyebona ukuthi inhlanyelo yami yayikhiqiza yini noma yini engangiyibona ngokusobala. Ekucineni, ngaphelelwa yisineke ngilindele ukubona impumela ngaze
ngazitshela, akukho okwenzakalayo ngenhlanyelo yami. Ngidinga ukuzimba ngibone ukuthi azilasici yini.
Ngakho njengoba nje ngangihlanyele inhlanyelo ngokuchophelela, ngaqala ukwemba ngayinye ngesikhathi ukuze ngibone ukuthi akukho yini okwenzeka ngaphansi kwamanzi. Ngesikhathi ngiqeda, lapho phambi kwamehlo ami, ngibanjwe ezandleni zami, yonke inhlanyelo engangiyihlanyelile, ngokwami. Inqwaba yenhlanyelo yayilezimpande eziphithene kanye lamahlumela ayeseqale ukukhula phezulu akhangele phezu komhlabathi. Kodwa ngenxa yokuthi ngaphelelwa yisineke ngilinda “isikhathi efaneleyo” somumbu wami, ngasichitha ngokupheleleyo isivuno sami. Ngemva kwawo wonke umsebenzi onzima engangiwenzile, ngase ngembe inhlanyelo yami ngayichitha.
Ngomnyaka olandelayo nganquma ukubuyela endaweni engemuva kwegalaji ukuze ngikwenze futhi. Kodwa kulokhu, ngangizimisele ukuthi ngizalinda lezo nhlanyelo ukuthi zithele. Ngangifunde ukuthi ngingayembi inhlanyelo yami. Ekucineni, lwafika usuku lapho ngabona amahlumela amancane aluhlaza ebhoboza inhlabathi. Ngajabula kakhulu. Usuku losuku ngangibuka njengoba amahlumela ekhula futhi ekhula. Konke kwakuhamba kahle ngaze ngaphinde ngaphelelwa yisineke. Iziqu zomumbu zazizinde, lezikhwebu zasezivele zisezinhlangeni. Kodwa kwakubonakala sengathi izikhwebu zomumbu zazithatha isikhathi eside ukuba zibe zinkulu futhi zivuthwe. Ngaqala ukuzibuza, Ingabe kukhona okungalunganga na ngomumbu lo? Akumelanga yini ukuthi ikhule ngokuphangisa? Ngaziphikisa ngaphakathi, mhlawumbe izinambuzane ziwudla ngaphansi kwamakhoba, noma mhlawumbe umumbu lo awulasici. Ngakho esikhundleni sokuhlala endleleni futhi ngibekezele, ngadonsa zonke izikhwebu ezihlahleni futhi ngahluba amakhoba ukuze ngibone ukuthi kwenzekalani ngaphakathi. Lapho phambi kwamehlo ami kwakulezikhwebu zomumbu ezakheke kahle futhi konke kuphelele. Kodwa ngenxa yokuthi ngazikhipha ezinhlangeni kusaselesikhathi, ngaphinde ngabhubhisa isivuno sami. Ukube angizange ngivumele ukuntula isineke, kwakungeke kuthathe isikhathi eside ngaphambi kokuba ngidle umumbu omutsha. Kwakungayisizo izinambuzane, isimo sezulu, noma uSathane ocekele phansi isivuno sami – kwakuyimi. Inhlanyelo yayisebenza kahle ngazo zombili izikhathi lapho ngonakalisa isivuno sami. Silomcabango engqondweni, ake sibuyele eselulekweni sikaPawulu kwabaseGalathiya 6:9 esithi, “Futhi kasingakhathali ekwenzeni okuhle, ngokuba siyakuvuna ngesikhathi esifaneleyo, nxa singadangali.” Akekho kithi ofuna ukulahlekelwa yisivuno sakhe.
Isici esivame kakhulu esisenza siyeke ukubamba lapho “sikhathele”. Ngakho, uPawulu usinxusa ukuba singapheli amandla futhi singayeki ezikhathini zokukhathala okungokomoya, ngokomzimba, noma ngokwengqondo. Kuyajabulisa ukuhlanyela inhlanyelo yokholo, futhi
kuyajabulisa ngempela lapho kufika isivuno ngaleso sikhathi lapho ukholo lwakho lucina lubonakala. Kodwa ukuze ufinyelele kulelo kufanele ubambelele kulokho uNkulunkulu akutshele khona futhi ukhumbule ukuthi inzalo yakho kungelani ukuthi iyinhlanyelo yemali noma inhlanyelo yezenzo ezingaphazamisekiyo, ezilusizo kwabanye ilesikhathi esimisiweyo lapho izaveza khona, nxa wenza kanjalo. Ungaphazamisi inqubo. Nxa nje uqhubeka lesifundo, kukhangelelwe ukuthi uzavuna okuhlanyelileyo Abantu abanengi bahlanyela njalo imali zabo noma izenzo zomusa kwabanye. Ngokuvamileyo, balingeka ukuba bayekele ngoba nje bekhathele. Lanxa nje bezama ukulalela, bazizwa bengaziswa. Mhlawumbe yizimo ezingaphezu kwamandla abo ziyabahlangabeza, noma othile ubaphatha ngokungelakulungisa. Mhlawumbe uhlanganise lesilingo sokuyekela. Kodwa eyabaseGalathiya 6:9 ikunxusa ukuba ungayekeliu ukubamba kwakho ikusasa lakho, isivuno esingaguqukiyo. Nxa uzahlala ugxilile, isikhathi sokulinda sizaphela futhi isivuno sakho sizafika. Ingabe singafiki ngesikhathi obulethemba lokuthi sizakwenzeka; kodwa kungakhathalekile ukuthi, ungembi inhlanyelo yakho noma ukhiphe izikhwebu zomumbu kusaselesikhathi. Inhlanyelo oyihlanyelileyo ilesikhathi esimisiweyo, futhi uNkulunkulu uthembisa ukuthi izaveza, nxa ungenzi okuthile ukuphazamisa inqubo.
Angazi ukuthi umethembelani uNkulunkulu kulesisikhathi samanje sempilo yakho. Sonke siyakholelwa kokuthile futhi sihlanyela inhlanyelo kukho. Mhlawumbe akekho owaziyo ngaphandle kwakho ngoba ukugcinile phakathi kwakho leNkosi. Mhlawumbe isivuno semali,
impumelelo ebudlelwaneni, ukuzimukiswa ngokomzimba, loba ukubuyiselwa kwenye indawo. Mhlawumbe ukuvuna lokhu kuthatha isikhathi eside kulalokho obukulindele. Kodwa ngifuna ukukuqinisekisa ukuthi ilizwi likaNkulunkulu lezithembiso zakhe zimi kuze kube phakade, futhi nxa nje ungeke uyeke, kuyindaba yesikhathi kuphela kuze kufike isibusiso sakho okade usilindile. Ilizwi likaNkulunkulu liliqiniso ngokupheleleyo, ngakho ngikukhuthaza ukuba uhlale ugxilile futhi
uqhubeke umbonga ngesivuno asigcinele sona esilungiselelwe wena.

^ back to top of page ^

USUKU LWAMATSHUMI AMABILI LESIKHOMBISA
ISIHLOKO: Ngokwezwi likaNkulunkulu
ISIFUNDO: Luka 5:4
Eseqedile ukukhuluma, wathi kuSimoni: ‘Phumela ekujuleni, lehlise amanetha, libambe.’ Izwi lokukholwa kithi makholwa ezwi. Lesi isikhathi esiqakathekile endabeni, njengoba uJesu elaya uSimoni Petru ukuba athembele ezwini lakhe futhi aphonse inetha lakhe emanzini ajulile, laphezu kokudobha ubusuku bonke ngaphandle kokubamba lutho. Isenzo sokulalela siholela ekubanjweni okuyisimangaliso. Lokhu kuluphawu lwenala yezibusiso eziza lokulandela isiqondiso sikaNkulunkulu.
Ukuthola esikudingayo empilweni kusibiza ngokuthi siphume endaweni yethu yokunethezeka, sithembele ohlelweni lukaNkulunkulu ukuthi sivulekele amathuba amatsha lolwazi. Kulabantu lamabandla abeneliswa yikwenza into eyodwa ngokuphindiweyo kodwa kungavezi impumela. Bahlala imihlangano kuphakanyiswa imibono emitsha kodwa ngenxa yokuthi abakaze bazame bayalahlwa. MntakaNkulunkulu, awucabangi ukuthi yisikhathi sokusungula izinto ezintsha futhi singene endaweni engaziwa sithembele kuNkulunkulu ongumbusi wakho konke? USimoni
Petru wathi: “Kodwa ngezwi lakho ngiyakukwenza.” Sidinga amakholwa, abaholi abakwazi ukwehlukanisa ngamazwi akhuluma ezimeni zabo. USimoni Petru wakwazi ukuzwa ukuthi kwakungayisilo izwi elivame ukukhuluma laye kodwa kwakulilizwi elidinga ukubambelela. Ingabe uyakwazi ukwehlukanisa izwi leNkosi kwabanengi?
Ukulalela izwi leNkosi kunika intuthuko. Umbhalo uthi umambule wagcwala waze wachitheka kwadingeka ukuba babize isikepe sesibili ukuze basizwe. Njengoba sifunda izwi likaNkulunkulu noma silalela intshumayelo ngitsho lakuleli ibandla lenhlanyelo, uNkulunkulu ubekhuluma lothile. Kukuwe ukulalela ilizwi Lakhe futhi uphose inethi lakho ekujuleni noma uhlale emikhawulweni engajulanga. Umiselwe okukhulu kodwa nxa ungakunqobi ukwesaba kwakho awukwazi ukuzwa ubukhulu. KuMalaki 3:10 uthi “… ngivivinyeni libone ukuthi angiyikunivulela yini iminyango ezulwini, ngilithululele isibusiso esichichimayo”. Khangela abangane, uJehova wenze usuku olutsha olubizwa namuhla ngokuthi nxa usizwa izwi lakhe futhi uphume ukuphosa inethi lakho ekujuleni, ungene endaweni engaziwayo uthembele kuye, ngokuqinisekileyo uyokuvusa ukukholwa kwakho.
Ingxoxo yosuku
Kuyini okusivimbela ekujikiseni amanethi ethu futhi singakhangelana kanjani lakho ukuze sibambe amanethi amakhulu?

^ back to top of page ^

USUKU LWAMATSHUMI AMABILI LESITSHIYAGALOMBILI
ISIHLOKO: Yimani libone insindiso kaNkulunkulu
Isifundo: Eksodusi 14:13-14
Phakathi kokungaqiniseki lokwesaba, kungokwemvelo ukuba lemizwa wokuthi kumele sithathe inyathelo futhi silungise izinto ngokwethu. Kodwa ilizwi likaNkulunkulu lisikhumbuza ukuthi ngezinye izikhathi into engcono kakhulu esingayenza yikuthi sime futhi sithembele ensindisweni yakhe.
Ku-Eksodusi 14, ama-Israyeli avaleleka phakathi koLwandle Olubomvu lebutho laseGibhithe. Kwakulobunzima yonke indawo, nxazonke. Kodwa uMose wabakhuthaza ukuba bame futhi babone insindiso kaNkulunkulu. Futhi yilokho kanye okwenzekalayo; UNkulunkulu wahlukanisa uLwandle Olubomvu, futhi ama-Israyeli akhululwa ezitheni zawo. Inengi lethu lizibonele ukuthi ngiqinisekile, abatsha noma abadala. Umbuzo uthi wenzeni ngesikhathi ukhangelane lolwandle lwakho olubomvu kanye lebutho lingelayo indlela yokubalekela?
Umbhalo wanamuhla usifundisa ukuthi lapho sikhangelane lezimo ezinzima, lathi singakhetha ukuma sithembele ensindisweni kaNkulunkulu. Lokhu kutsho ukuthi kumele:
– Siyeke isidingo sethu sokulawula isimo.
– Thembela ebukhosini lasebuhleni bukaNkulunkulu
– Kholwa ukuthi usebenzela konke ukuze kuzuze thina
– Asimeni siqine kholweni lwethu, ngitsho lalapho singaboni indlela yokuphuma.
Umthandazo wosuku
Baba 0sezulwini othandekayo, Nkosi yethu ebusayo. Sisize sime futhi sithembele ensindisweni Yakho lapho izimo zibonakala zisixakile. Sikhumbuze ukuthi uhlala ulathi, ulwa izimpi zethu futhi usebenza yonke into ukuze uzuze. Siphe isibindi sokuyekela ukulawula futhi sithembele ebukhosini bakho. Egameni likaJesu, Amen.

^ back to top of page ^

USUKU LWAMATSHUMI AMABILI LESITSHIYAGALOLUNYE
ISIHLOKO: UNkulunkulu uyisiphephelo sethu ezikhathini zosizi
ISIFUNDO: IHubo 9:9-10
Impilo ingaba yinto engalindelekile futhi ibe lamandla, kusitshiya silomuzwa wokuthi sikhangelane lesivunguvungu esingelayo indawo yokucatshela. Kodwa izwi likaNkulunkulu lisikhumbuza ukuthi uyisiphephelo sethu ezikhathini zosizi. Njengoba nje isiphephelo sinika indawo ephephileyo esivunguvungwini, uNkulunkulu usinika indawo elondekile lelokuthula esingabalekela kuyo lapho sikhangelane lobunzima.
Encwadini kaMaHubo 9, uDavide usikhumbuza ukuthi uNkulunkulu uyisiphephelo sabacindezelweyo lenqaba ngezikhathi zosizi. Ulidwala lethu, lesiphephelo sethu, lendawo yethu yokucatsha. Lapho silazi igama likaNkulunkulu lesimo sakhe, singathembela Kuye, sazi ukuthi akasoze wasitshiya.
Kuqakathekile ukuthi abantwana bakaNkulunkulu bahlale bekhumbula ukuthi lapho sikhangelane lezimo ezinzima, singakhetha ukubalekela kuNkulunkulu njengesiphephelo sethu. Omunye angabuza, ngibalekela kanjani kuNkulunkulu, isiphephelo sami?
– Mfune ngomthandazo langokuzidla
– Thembela ebukhosini lasebuhleni bakhe
– Kholwa ukuthi usebenzela konke ukuze kuzuze wena
– Thola induduzo lokuthula ebukhoneni bakhe.
Umsebenzi: Thatha isikhatshana ucabange ngesimo esinzima empilweni yakho njengamanje. Bhala phansi umkhuleko ucele uNkulunkulu abe yisiphephelo lamandla akho. Ubusukhetha ukuthembela ebuhleni lasebukhosini bakhe, uthole induduzo lokuthula ebukhoneni bakhe.
Eminye imibhalo ongazidla ngayo nansi: Izaga 18:10; IHubo 46:1; Nahume 1:7

^ back to top of page ^

USUKU LWAMATSHUMI AMATHATHU
ISIHLOKO: UBukhona BukaNkulunkulu Obungantengantengiyo
ISIFUNDO: Duteronomi 31:6
Njengoba sesifika emaphethelweni enyanga yesivumelwano kuhle njalo ukuthi sicabangisise lapho esisuka khona lalapho esiya khona ubusuthatha isinqumo sokuthi uzaphila njani. Impilo ayibikezeleki futhi lokhu sekwenze abanengi baphelelwa amandla endleleni. Umbhalo wanamuhla usipha isiqiniseko sokuthi kukho konke esikhangelane lakho asisodwa ngakho kufanele sihlale sibeke isivumelwano. Umbhalo uyasiqinisa ukuthi phakathi kokungaqiniseki lezinselele zokuphila lapho kulula khona ukuzizwa ulahliwe noma ukhohlwe nguNkulunkulu kufanele sikhunjuzwe ngeqiniso elijulileyo lokuthi uNkulunkulu uhlala elathi, futhi kacabangi ukuthi abatshiye noma abalahle abakhe.
Igama lesiHeberu elitsho “shiya” (azab) litsho “ukutshiya” noma “ukukhalala.” KuDuteronomi 31:6, uNkulunkulu uthembisa ukuthi akasoze wasitshiya noma asilahle. Lesi siqinisekiso sigcizelelwa kumaHeberu 13:5 (NIV), lapho sifunda khona ukuthi: “UNkulunkulu utshilo ukuthi, ‘Angisoze ngakutshiya, angisoze ngakutshiya.’”
Ezikhathini ezimnyama kakhulu ezimpilweni zethu, lapho ukwesaba lokungabaza kungena, singabambelela kulesi sithembiso. UNkulunkulu ulidwala lethu, isiphephelo sethu, lokukhanya kwethu okusiholayo. Nguye ohamba nathi ezigodini lasezintabeni, ongasitshiyiyo noma asilahle.
Njengoba sikhangele ezikhathini ezinhle lezimbi zokuphila, kasikhumbule ukuthi ubukhona bukaNkulunkulu abulakunyikinyezwa. Ungumngane wethu oqhubekayo, umngane wethu othebekileyo loBaba wethu olothando. Kwangathi singathola induduzo esethembisweni sakhe lamandla ebukhoneni bakhe, sazi ukuthi akasoze asitshiye noma asilahle.
Ukuzidla
Zinike isikhatshana ucabange ngezikhathi lapho wazizwa ulahliwe noma ukhohlwe nguNkulunkulu. Wazizwa kanjani? Uphendule kanjani? Nxa ukhangela emuva, uyabona ukuthi uNkulunkulu wayelawe kanjani langalezo zikhathi? Yabelana ngemicabango yakho kanye lokuqonda kwakho lomngane noma ilunga lomndeni, futhi likhuthazane ngesithembiso sokuthi uNkulunkulu kasoze abatshiye noma abalahle abakhe.

^ back to top of page ^

USUKU LWAMATSHUMI AMATHATHU LANYE
ISIHLOKO: Ukuthembela kuNkulunkulu
ISIFUNDO: IHubo 56:8
Njengabantwana bakaNkulunkulu siyehluleka kodwa kuqakatheke kakhulu. Lapho sihlangabezana lobunzima .Lithi ilizwi useduze kwabalenhliziyo eyephukileyo. Nxa uzizwa ufuna ukuyekela, woba kwazi ukuthi impumelelo isiseduze kulakuqala. Ngibhala umlayezo lo ukuze ngikhuthaze abantu abebekhonza uJehova ngokwethembeka kodwa kubonakala kuqhamuka izinselelo kuphela. Ulikholwa elizinikeleyo, uzamile ukulandela ilizwi likaNkulunkulu kodwa isimo sikhangeleka siqhubeka ngokuba sibi kakhulu manje ucabanga ukubeka amathuluzi phansi. Ungamniki uSatane ukunqoba okunjalo, okwakho yikukhazimulisa iNkosi kuphela. Ungakhohliswa, uNkulunkulu uyakuthanda.
Ngenxa yokuthi uNkulunkulu uyakuthanda, ungatshengisa ukumethemba kwakho ngokukhuluma laye ngayo yonke imizwa lezimo zakho—umkhuleko omuhle lonzima. Ungavumeli imizwa yakho ibuse impilo yakho; zilethe kuNkulunkulu ukuze akusize ukhulume lazo. Akadumele noma akhungathekiswe yizinkinga zakho, ukugabaza loba ubuhlungu. Uyakukhathalela, futhi ungamethemba ngalezo zinto.
Nxa uthemba, kuNkulunkulu lasezwini lakhe lapho ukuphila kunzima. Wenza futhi ngokulalela (ukwenza lokho uNkulunkulu akutshoyo ezwini lakhe) futhi wethemba ukuthi ekucineni uzakunakekela konke okunye. Ngokuthenjwa, awukhangeli ukulondeka kwezinye izinto; ukhangela kuNkulunkulu ukuba akubambe ulondekile ezimeni ezinzima. Ngeke ukwenze lokhu ngokupheleleyo, kodwa uNkulunkulu ulomusa futhi ulesineke kuwe ngesikhathi ufunda ukumethemba.
Ukwethemba ukukholelwa ekuthembekeni, eqinisweni, noma emandleni. Ngakho-ke, nxa kukhulunywa ngokuthembela kuNkulunkulu, lokho kutsho ukukholelwa ekuthembekeni kwakhe, elizwini lakhe, emandleni akhe kanye lamandla akhe. IBhayibheli lithi uNkulunkulu kaqambi amanga. Ukuthi izigcina njalo izithembiso zakhe. Ukuthi uyakuthanda futhi ukubekele okuhle. Ukuthembela Kuye kutsho ukukholelwa lokho akutshoyo ngaye, ngomhlaba langawe, kuyiqiniso.
Ukuthembela kuNkulunkulu kungaphezu kwemmizwa; kuyikukhetha ukuba lokholo kulokho akutshoyo lalapho imizwa yakho noma izimo zakho zizokwenza ukholelwe okuthile okwehlukeneyo. Imizwa lezimo zakho ziqakathekile futhi kufanele kakhulu ukunakekelwa. UNkulunkulu uyabakhathalela bobabili. Kodwa lezo zinto zizodwa azethembekanga ngokwaneleyo ukuthi ungasekela ukuphila kwakho kuzo. Angatshintsha noma nini, ngitsho ngokuphazima kweso. Ngakolunye uhlangothi, uNkulunkulu akatshintshi. Unguye izolo, namuhla lakusasa ngakho ufanele ukumthemba.
Ukuthemba uNkulunkulu kayisikho okungathulisa imizwa yakho noma iqiniso. Kayisikho ukwenza sengathi konke kuhamba kuhle nxa kungenjalo. Ukwethemba uNkulunkulu yikuphila impilo yokukholelwa lokulalela uNkulunkulu ngitsho lalapho kunzima. Ngakho-ke, njengoba sifika ekupheleni kwale nyanga yesivumelwano, senze isivumelwano sethu futhi sikhangele phambili kokungcono kakhulu komnyaka ngifuna ukubekela iBandla likaNkulunkulu lisilela ukuba lithembele, lithembele kuNkulunkulu kuzo zonke izimo ngikhumbula ukuthi zonke izinto zisebenzelana ndawonye ukuze okuhle. Haleluya!!
Ngenxa yokuthi uNkulunkulu wasidala futhi uyasithanda, singathembela ukuthi ulempumela ongcono ezimpilweni zethu kulalokho ebesingakucabanga. Ngoba uNkulunkulu wazi konke futhi ubona konke, singethemba ukuthi noma izindaba zethu zingaphumi ngendlela ebesicabanga ngayo ekuqaleni, ungumhlengi osebenzela okuhle kwethu lodumo lwakhe ngoba ulecebo ngathi, asihlele. ukusilimaza kodwa asiphumelelise ( Jer 29:11 ).
Lapho sinikela ngokuphila kwethu njengemihlatshelo ephilayo ukuze sizinikele kuNkulunkulu, singaqiniseka ukuthi uNkulunkulu uzakwenza ngokuvumelana lobuhle benhliziyo Yakhe kanye lezithembiso eziselizwini lakhe. Siphephile ekuzinikeleni. Sikhululekile ukuba singalawuli konke ngoba sikhonza uNkulunkulu onjalo.

^ back to top of page ^